सिरहाको सबै सीमानाकामा सशस्त्र प्रहरीले थप निगरानी थाल्योः एसपी थापा

न्यूज ब्यूरो, सिरहा । मधेश प्रदेशको सिरहा जिल्लाको विभिन्न नाकामा सशस्त्र प्रहरीले थप निगरानी थालेको बताइएको छ ।

सशस्त्र प्रहरीका एसपी रमेश थापाले सिरहाजिल्लासँग भएको सबै नाकाहरुमा थप प्रहरी परिचालन गरी निगरानी बढाएको बताएका छन् ।

एक साताको अन्तरालमा अपेक्षाकृत रुपमा तस्करीका समानहरु बरामद गर्न सफल भएको भन्दै एसपी थापाले नाकामा चोरबाटोबाट तस्करी भईरहेको सूचना पाएपछि थप निगरानी बढाएको बताए ।

छिमेकी मुलुक भारतसँग रहेको सिरहाको माडर, बरियारपट्टि, नवराजपुर, ठाडी नाकाहरुमा कडा निगरानी थालेको दाबी गरेका छन् ।

खुल्ला सीमाको कारण सवारी आवतजावत गर्ने नाका बाटोबाट तस्करी नियन्त्रण भएको जनाउँदै खेतबाटो, चोरबाटो भएर केही मात्राको समानहरु तस्करी भईरहेको स्वीकार गर्दै उनले अब सो स्थानहरुमा पनि निगरानी थालेको बताए ।

उनले सीमानाकामा नाईटभिजन सिसिटिभी क्यामेरा जडान गरिए सहज हुने बताउँदै अहिले जनशक्ति समेत न्यून भएको कारण चाहेर पनि अपेक्षाकृत रुपमा निगरानी गर्न कठिनाई भएको बताए ।

उनले रातराती बोर्डरमा थप प्रहरी परिचालन गरी कडा निगरानी थालिएको बताए ।