जनकपुरमा रहेनन आम, अस्तित्व गुमाएर छाता ओढे 'बलराम'

न्यूज ब्यूरो, जनकपुरधाम । आसन्न स्थानीय तह चुनाव २०७९ मा आँप (आम) छापबाट स्वतन्त्र उम्मेदवारी दिएका ठेकेदार बलराम महतोले अस्तित्व गुमाएर छाता ओढेका छन् ।

स्थानीय तहको चुनावको बेला आफूलाई समाजसेवी भनेर रुचाएका पूर्व स्वतन्त्र बलराम महतो सोमबार उपेन्द्र यादव–बाबुराम भटट्राई नेतृत्वको जनता समाजवादी पार्टी (जसपा) नेपालमा विलय भएका छन् ।

चुनावको बेला स्वतन्त्रकै नाममा उनले पाएको मतको अनादर गर्दै जसपा नेपालमा प्रवेश गरेका छन् । स्वतन्त्र हुँदा बेग्लै छवी बनाएका बलराम महतो सोमबार जसपाको शरण लिएका हुन् ।

यसअघि जसपाकै प्रत्यासी लालकिशोर साहको विरोध उम्मेदवारी दिएका बलराम महतो सोमबार उपेन्द्र यादवको अगाडी उनकै गुणगान गरे । चुनावमा जसपाको खिलाफ गर्न नथाकेका महतोले जसपामा प्रवेश गरे लगत्तै हनुमानगिरीको उदघाटन गरे ।

मधेशको मामिलामा सबै भन्दा राम्रो भिजन र चिन्तन उपेन्द्र यादव संग रहेकाले आफु जसपा रोजेको सम्म बताए ।

मधेशको केन्द्र बनेको जनकपुरधाम र धनुषाको विकासका लागि मधेशलाई स्थापित र चिनाउने नेता उपेन्द्र यादवको पार्टीनै उत्तम लागेर आफु यो निर्णय लिएको उनले थपे ।

आसन्न स्थानीय तहको चुनावमा उनले स्वतन्त्रबाटै ४ हजार २ सय ९० मत ल्याएका थिए । सोही चुनावमा जसपाका लालकिशोर साहले भने ५ हजार १ सय ९४ मत ल्याएका थिए ।