मिटरब्याजी नविन झाको करामतः सम्पति हड्पेर गरिबलाई धाकधम्की सहित कुटपिट

न्यूज ब्यूरो, जनकपुरधाम । मधेश प्रदेशको विभिन्न जिल्लामा मिटरब्याजीको चँगुलमा हजारौँ घरपरिवार विस्थापित भएको तथ्यहरु बाहिर आउन थालेका छन् ।

सोही क्रममा मधेश प्रदेशको महोत्तरी जिल्लास्थित एक गरिब परिवारको सम्पति एक मिटरब्याजीले धोकाले हड्पेको आरोप पीडित परिवारले लगाएका छन् ।

महोत्तरी जिल्लाको बलवा नगरपालिका वडा नम्बर ९ अध्यानपुर (हिन्दुटोल) बस्ने स्थानीय टारजन कुमार बैठालाई मिटरब्याजी नविन झाको लठैतहरुले कुटपिट गरे ।

शुक्रबार दिउँसो आफ्नै आँप बगैचामा आँप ल्याउन गएका बैठा परिवारलाई मिटरब्याजी नविन झाको मान्छेहरुले उनलाई कुटपिट गरेको आरोप छ । नविन झाले बैठा परिवारलाई दिएको ऋण वापत रकम लिनुको साथै आँपचको बगैचामा पनि कब्जा गरेका छन् ।

विदेश जानको लागि लिएको केही रकम वापत उनले दृष्टिबन्धक गर्न भनेपछि आँपको बगैँचा दृष्टिबन्धक गरेका बैठा परिवारले ऋण वापतको रकम सुद सहित चुकाएपनि सो आँपको बगैँचा समेत कब्जा गरेको दुःखेसो पीडित परिवारले पोखेका छन् ।

लिएको ऋणमा सुद (ब्याज) सहित १ लाख २० हजार रुपैयाँ भएकोमा मिटरब्याजी नविन झाले टारजन बैठाको बुवा चन्देश्र बैठासँग बलपूर्वक तमसुक समेत बनाएको आरोप लगाएका छन् ।

आँपको बगैँचाबाला जमिन दृष्टिबन्धक गरिएपनि आफू घरमा नहुँदा बुवासँग सोही पैसाको तमसुक समेत बनाएको आरोप टारजन बैठाले लगाएका छन् । आफू आँपको बगैँचामा जाँदा आफूलाई कुटपिट गरेको बताएका छन् ।

मिटरब्याजी भनिएको नविन झाले ऋण वापतको रकम बराबरको तमसुक र दृष्टिबन्धक समेत राखेको बताए । केही रकमको लागि मिटरब्याज र जमिन समेत खोसेको आरोप बैठा परिवारको छ ।

नेपाल सरकारको गृह मन्त्रालयले यस्ता मिटरब्याजीहरुलाई पक्राउ गर्न प्रहरी प्रशासनलाई निर्देशन दिएको छ । बैठा परिवारलाई सामुहिक कुटपिट गर्दा मिटरब्याजकै सम्बन्धमा निवेदन दिन जिल्ला प्रहरी कार्यालय महोत्तरी जलेश्वर लागेका बैठा परिवारलाई प्रहरीचौकी लोहारपट्टिले बोलाएर यही निवेदन दिन भनेको थियो ।

मिटरब्याजी भनिएको नविन झाले प्रहरी चौकीमा समेत गुण्डाशैलीमा पसेर ज्यान मार्ने धम्की दिएको गुनासो बैठा परिवारको छ । यस सन्दर्भमा प्रहरी चौकी लोहारपट्टिले कुटपिट घटनालाई पुष्टि गरे ।

सोही सन्दर्भमा मिटर ब्याजी भनिएको नविन झासँग 9804813465 नम्बरमा सम्पर्क गर्दा विहान १०ः०२ बजे उनको फोन स्वीच अफ भनिएको हो ।