जनकपुरः छोराबुहारीले घरबाट निकालेपछि वृद्धले गरे रेलमा कटेर आत्महत्याको प्रयास

न्यूज ब्यूरो, जनकपुरधाम । मधेश प्रदेशको राजधानी जनकपुरस्थित एक वृद्ध रेल्वेमा कटेर आत्महत्याको प्रयास गरेका छन् ।

जयनगर–जनकपुर रेल्वेमा सोमबार दिउँसो एक ७० बर्षिया वृद्धले लीकमा गएर आत्महत्याको प्रयास गरेका छन् ।

छोराबुहारीले घरबाट निकालेको भन्दै वृद्धले रेलमा कटेर आत्महत्याको प्रयास गरेको बताएकी हुन् । रेलको स्पीड स्टेशनमै कम रहेकोले उनलाई तत्कालै उद्धार गरिएको हो ।

बैदेही स्टेशनमा तुरुन्तै आएको रेलको लीकमा वृद्धले कटने प्रयास गरेकी थिईन् । उनी धनुषाको धनौजी गाउँपालिका वडा नम्बर १ लखौरी निवासी हुन् । यद्यपी, उनले नाम भने बताईनन् ।

रेल चल्न थालेपछि उनी लीक (पटरी) मा गएर सुतेकी थिइन । रेल चालक र त्यहाँका कर्मचारीले देखेपछि हतपत्त रेल रोकेर उनलाई बचाइएको हो ।