जिते लगत्तै गाउँपालिका अध्यक्षको गुण्डागर्दी सुरु, शिक्षिकामाथि स्कूलमै दुरव्यवहार

न्यूज ब्यूरो, जनकपुरधाम । धनुषाको औरही गाउँपालिकाका अध्यक्ष जीतको उन्मादले मातेका छन् । एमाले पार्टीबाट जीतेका गाउँपालिका अध्यक्ष उमाशँकर प्रसाद साहले निर्वाचित भएलगत्तै गुण्डागर्दी सुरु गरेका छन् ।

पहिलेदेखि नै व्यवहारले गुण्डागर्दी आएका साहले विद्यालय परिसरभित्रै आयोजना गरिएको सार्वजनिक कार्यक्रममा गाउँपालिका अध्यक्ष साहले शिक्षिकामाथि दुरव्यवहार गरेका छन् ।

औरहिको परवाहा बिद्यालयमा आयोजित नवनिर्वाचित जनप्रतिनिधि हरुको स्वागत कार्यक्रममै नवनिर्वाचित अध्यक्ष साहले शिक्षिका माथी दुर्व्यवहार गरेका छन ।

कार्यक्रममा महिलाले पनि बोल्न पाउनु पर्ने मांग राखेकी शिक्षिका प्रतिभा झाले संबिधानले प्रदत गरेको ३३ प्रतिशत अधिकार सुनिश्चित हुनुपर्ने माँग गरे लगत्तै अध्यक्ष साहले तँ बस भन्दै माईक खोसी दुर्व्यवहार गरेको शिक्षिका झाले आरोप लगाएकी छिन ।

अध्यक्ष साहले माईक खोस्दै गरेको भिडिओ समेत सार्वजनिक भएपछि शिक्षिका झाले आजै दुर्व्यवहारको मुद्दा दर्ता गराउन लागेको जनाएकी छिन ।

शिक्षिका झाले संविधानमा महिलाले बोल्न पाउनुपर्छ भन्ने अधिकार निहित भएकोले आफूहरुलाई समेत बोल्नुपर्छ भन्दाखेरी गाउँपालिका अध्यक्ष साहले उनीमाथि दुरव्यहार गरेका छन् ।

सो क्रममा विद्यालयका हेडमास्टर शशि कुमार सिँहले समेत शिक्षिकामाथि दुरव्यवहार गरेका छन् । उनले समेत शिक्षिका झाबाट माईक खोस्दै तथानाम भनेको आरोप झाको छ ।