चोरी गरी भाग्दै गर्दा चारतल्ला घरबाट खसेर मरे यादव

न्यूज ब्यूरो, जनकपुरधाम । होटलमा चोरी गरी भाग्ने क्रममा एक जनाको युवकको ज्यान गएको छ ।

भैरहवामा शनिबार बिहानै एक युवकको शव फेला परेको छ । बसपार्क नजिकै होटल सि प्रिन्स तल युवकको शव फेला परेको हो ।

४ तले होटलको कुन तलाबाट खसेर उनको मृत्यु भएको अहिले सम्म खुलेको छैन ।

होटलमा युवक अन्य साथीहरुसंगै बसेको र चोरी गरेर भाग्ने क्रममा खसेपछि उनको मृत्यु भएको प्रहरीको अनुमान छ ।

मृतक २४ वर्षीय अमित यादव रहेका छन् । होटलबाट केही रकम समेत हराई रहेको छ । प्रहरी अहिले घटनास्थलमै रहेको छ । घटना विषयमा थप अनुसन्धान भई रहेको जिल्ला प्रहरी कार्यालय रुपन्देहीले जानकारी दिएको छ ।