काठमान्डौँका मेयर बालेन साहलाई फोहोर व्यवस्थापन गर्न पूर्व सिडिओ कणेलले दिए १२ बुँदे सुझाव

न्यूज ब्यूरो, जनकपुरधाम । आफ्नो कार्य सम्पादनले सधैँ चर्चामा रहँदै आएका नेपाल सरकारका पूर्व सिडिओ (प्रमुख जिल्ला अधिकारी–अवकाश प्राप्त) प्रदीपराज कणेलले काठमान्डौँका मेयर बालेन साहलाई १२ बुँदे सुझाव प्रस्तुत गरेका छन् ।

स्थानीय निकायको दोस्रो चुनावपछि निरन्तर चर्चामा रहँदै आएको देशको राजधानी काठमान्डौँको मेयरमा स्वतन्त्र उम्मेदवारको रुपमा बालेन साह निर्वाचित भएपछि प्रथम कार्य उनले फोहोर व्यवस्थापन तर्फ ध्यान केन्द्रीत गरेका छन् ।

राजनीतिक दबाब, काम गर्ने वातावरणको बीच जुधिरहेका काठमान्डौँका मेयर साहले फोहोर व्यवस्थापनको लागि कसरत गरिरहेकै बेला पूर्व प्रजिअ कणेलले उनलाई १२ बुँदे सुझाव दिएका हुन् ।

कणेलले आफ्नो अधिकारिक फेसबुकमा काठमान्डौँका मेयर बालेन साहलाई कार्य सम्पादन हेतु यसरी सुझाव दिएका छन् ।

काठमाडौको ल्याण्डफिल्ड साईट अनि प्रवाभितका समस्या समाधान !

तत्कालीन व्यवस्थापनकालागि मेयर शाह लाई सुझाव ।

२०७९ जेष्ठ २३ सोमबार , काठमाडौ ।

१. फोहोर व्यवस्थापन केन्द्रीत - कार्यपालिकाको विशेष वैठक वोलाउनुस।

- सो अघि उप प्रमुख ,सवै वडा अध्यक्ष सङ्ग छुट्टाछुट्टै र संयुक्त भेट गरि कमन एजेन्डामा एगृ गरेर निर्णय गर्न औपचारिक वैठक आयोजना गर्नुस ।

- आफ्नो कार्यपालिका को वोर्डवाट देहायको विषयमा सिसडोल र वन्चरे डाडा स्थित स्थानीय तह सङ्ग सम्झौता गर्ने भनि निर्णय गराएरै कार्यादेश लिनुहोस ;

क) ल्याण्डफिल्ड साईट को २ कि मि क्षेत्र भित्रका वासिन्दा, विद्यार्थी - शिक्षक - कर्मचारी समेतको आधारभूत स्वास्थ्य विमा का म पा ले आउदो श्र।वण वाट ५ आर्थिक वर्षकालागि गर्नेगरी लाग्ने पृमियम का म पा ले व्यय गर्ने र आ व २०७९/०८० वाटै कार्य प्रारम्भ गर्ने ।

सो २ कि मि क्षेत्रका क्यान्सर पीडितको उपचारमा अन्य निकायको भुक्तानीमा दोहोरो नपर्ने गरि प्रतिव्यक्ति रु. १०,०००००/- रुपैयाँ दस लाख सम्म सम्वन्धित अस्पताललाई भुक्तानी दिने।यसमा २ कि मि भित्रको स्थानीय र विरामी हो भन्ने वडाको किटानी सिफारिश र अस्पतालको प्रमाण भए हुने।

यसकोलागि अनुमानित जनसंख्या, उमेर समूह, उपचार गर्ने अस्पताल र लाग्ने खर्चको अनुमान गरि वजेट विनियोजन गर्ने।

ख) सिसडोल र वन्चरे डाडाकालागि १/१ वटा एम्बुलेन्स का म पा ले उपलब्ध गराउने तर यसको संचालनको ढाचा र व्यय त्यहीँको स्थानीय तहको सामान्य निर्देशन र नियन्त्रणमा रहि स्थानीय स्वास्थ्य संस्थाले व्यवस्थापन गर्ने।

ग) ल्याण्डफिल्ड साईट सम्म पुग्ने सडकको निर्माण सुधार र स्तरोन्नति सडक विभाग र शहरी विकास मन्त्रालय सङ्ग समन्वय गरि तत्काल प्रारम्भ गर्ने।

त्यहाँ वाट वजेट सुनिश्चित नहुने लिखित पत्र आएमा म पा वाटै स्रोत परिचालन गरि कार्य आरम्भ गर्ने ।

घ) ल्याण्डफिल्ड साईटमा टृटमेन्ट प्लाण्ट जडान गर्ने।

ङ) सो साईटमा दुर्गन्ध आउन नदिने व्यवस्था मिलाउने ।

च) फोहोर वाट मोहोर हुने उद्द्योग साईट क्षेत्रमै संचालन गरि क्षमता अनुरूपको कामदार छनौट गर्दा प्रभावित क्षेत्रकै वासिन्दालाई प्राथमिकतामा राख्ने ।

छ) सफाईकर्मि / चालकहरु र निजका परिवार (पति, पत्नी, छोराछोरी , बाबू - आमा) को समेत स्वास्थ्य विमा म पा ले गराईदिने।

सफाईकर्मि र चालकलाई सफाई उपकरण, पोशाक र नुहाउने नियमित व्यवस्था मिलाउने।

२. वन्चरे डाडा र सिसडोल क्षेत्रका वडा अध्यक्ष / वडा सदस्य, स्थानीय तह प्रमुख, उप प्रमुख / अध्यक्ष , उपाध्यक्ष र गठित समितिका पधाधिकारीलाई म पा मै आमन्त्रण गरि कार्यपालिकाको रोहवरमा नेगोसिएसन गर्नुस अनि आफ्नो रोहवरमा प्रमुख प्रशासकीय अधिकृत मार्फत सम्झौता गर्नुस।

३. कार्य संचालन टोलि गठन गर्नुस।

४. संयुक्त अनुगमन टिम वनाउनुस। यसमा सिसडोल र वन्चरेडाडा का वडा अध्यक्ष समेतलाई राख्नुस।

५. भएगरेका प्रगतिको वेबसाईट वाट नियमित प्रकाशन गर्नुहोस ।

भवदीय ,

प्रदीपराज कणेल