सिरहा : पोखरी नजिक खेल्न गएका बालकको डुबेर मृत्यु

न्यूज ब्यूरो, सिरहा । सिरहामा पोखरीमा डुबेर एक बालकको मृत्यु भएको छ । विष्णुपुर गाउँपालिका–१ हरिनगराका महेश कामतीका २ वर्षीय छोरा आर्यनको पोखरीमा डुबेर शुक्रबार मृत्यु भएको हो ।

जिल्ला प्रहरी कार्यालय सिरहाका सूचना अधिकारी डीएसपी सुवास बुढाथोकीका अनुसार घर नजिकै रहेको पोखरीमा खेल्ने क्रममा शुक्रबार अपरान्ह बालकको डुबेर मृत्यु भएको हो ।

पोखरीमा डुबपछि अचेत अवस्थामा फेला परेका बालकलाई उपचारको लागि प्रादेशिक अस्पताल सिरहामा पुर्‍याइए पनि उनको उपचारको क्रममा मृत्यु भएको प्रहरीले जनाएको छ ।