जयनगर–जनकपुर रेलमा माथिबाट एसिड चुहिएपछि सिटमा आगो, यात्रुहरुमा भागमभाग भएपछि...

न्यूज ब्यूरो, जनकपुरधाम । नेपालको एक मात्र ट्रेन जनकपुर–जयनगर रेल्वेमा सिटमाथिबाट एसिड चुहिएपछि यात्रुहरुमा भागमभाग भयो ।

विहिबार दिउँसो छिमेकी मुलुक भारतको जयनगरबाट जनकपुरतर्फ आउँदै गरेको रेलमा सिटको माथि राखिएको प्रतिबन्धित एसिड चुहिएपछि रेलको यात्रु सिटमा धुँवा उठेपछि यात्रुहरुमा भागमभाग भएको थियो ।

यात्रु बस्ने सिटमाथि बनाइएको समान राख्ने स्टैण्डमा अज्ञात व्यक्तिले भारतबाट खरिद गरि ल्याउँदै गरेको एसिड चाप परेर चुहिएपछि सिटमा धुँवा उठेको थियो । धुँवा उठेपछि यात्रुहरुमा भागमभाग भएको थियो ।

यात्रुहरुमा भागमभाग भएपछि तत्कालै फायर एक्सीक्यूटरले आगो नियन्त्रणमा लिएको थियो । एसिडको थोपाले प्लास्टिकले बनेको सो सिटमा धुँवा उठेको थियो ।

माथि सामान राख्ने ठाउँमा एसिड राखिएको थियो। एसिडको एक थोपा एक महिला यात्रुको पिठ्युँमा झरेपछि उनी तर्सिएर त्यहाँबाट उठिन्। त्यसपछि सिटमा चुहिँदा धुँवा भएर आगो सल्केपछि भागाभाग भएको एक प्रत्यक्षदर्शीले बताए ।

त्यहाँ तल एउटा सानो ग्यास सिलिन्डर पनि थियो। सो ठाउँबाट एक युवक र पुरुष फरार भएका छन्। ती पुरुषका श्रीमती र छोरीलाई शंकास्पद देखेपछि प्रहरीले पक्राउ गरेको हो।

दुवै जनालाई एसिड बोकी ल्याएको आरोपमा सिटको मुनी बसेकी शँकाको आधारमा नियन्त्रणमा लिएर अनुसन्धान थालेको छ ।