खजुरी–माचि सडकखण्ड जरजर, २ महिनासम्म विद्यालय जान पाउँदैनन बालबालिका

न्यूज ब्यूरो, जनकपुरधाम । पूर्वी धनुषाको कमला नगरपालिका र जनकनन्दिनी गाउँपालिका जोडने खजुरी–माची सडकखण्डको अवस्था जरजर हुँदा सवारी आवागमन ठप्प हुने गरेको छ ।

सुख्खा मौसममा धुलाम्य हुने सो सडक बर्षायाममा हिलाम्य हुन गरेको छ । बर्षायाम आएपछि सो सडकमा साईकल समेत चल्ने अवस्था हुँदैनन् ।

अध्ययण अध्ययापनको लागि खजुरी माविमा जाने विभिन्न गाउँ टोलका बालबालिकाहरुले २ महिनासम्म घरमै बस्न बाध्य हुन्छन् । सो सडकमा साईकल समेत नचल्ने अवस्था भएपछि टाढाबाट स्कूल जाने बालबालिकाहरु दुई महिना घरमै बस्न बाध्य हुन्छन् ।

धनुषा निर्वाचन क्षेत्र नम्बर २ को (क) मा पर्ने सो सडक बनाउनको लागि संघीय सँसद उमा शंकर अरगरियाले पनि खासै चासो दिएका छैनन् ।

प्रदेश साँसद शैलेन्द्र यादवको क्षेत्र पर्ने सो सडकमा अब साउन महिनासम्म नै आवागमन ठप्प हुनेछ । स्थानीय सरकार गठन भएको ५ बर्ष वितिसक्दा पनि उक्त सडकको मर्मत सम्भार वा पक्की सडक बनाउन नसक्दा यहाँका आम वासिन्दालाई अधिक कठिनाई भएको छ ।

भारतसँग गरिने यहाँ व्यापारीको व्यापारिक सडक समेत सोही भएकोले दुई महिनासम्म व्यापार व्यावसाय समेत चौपट्ट हुने गरेको छ । खजुरी रेल्वे स्टेशनसम्म पुग्ने एक मात्र चल्ती सडक रहेको उक्त सडकमा अझै मर्मत सम्भार हुन नसकेको कारणले आवागमन ठप्प हुने अवस्थामा पुगेको छ ।

“यो यसपालीको समस्या मात्र होईन, बर्षौदेखि यही हालात छ यो सडकको । यसअघि त कम्तीमा मात्र साईकल मोटरसाईकल चल्दा आवातजावत गर्न ठिकै हुन्थ्यो तर अब त ट्रयाक्टर, बस, ट्रिपर चल्न थालेपछि पुरै सडक नै जरजर बनिसकेको अवस्था छ । जुनसुकै ठाउँमा पनि सवारी साधन फँस्ने गर्दा हामीलाई धेरै नै दिक्कत भएको छ ।”– स्थानीय सँजीव मण्डलले बताए ।

माचि झिटकैया, पर्सा लगायत गाउँका बालबालिकाहरुलाई उच्च शिक्षा पढन खजुरी उच्च मावि विकल्पको रुपमा रहँदा पनि उनीहरु दुई महिनासम्म नै पठन पाठन अवरुद्ध हुने गरेको अवस्था रहँदै आएको छ ।

संघीय साँसद उमाशंकर अरगरिया र प्रदेश साँसद शैलेन्द्र यादवमध्ये कोहीले सो सडकप्रति ध्यान केन्द्रीत गर्न सकेका छैनन् । जानकारी अनुसार, सो सडक ठेक्का लागेपनि हालसम्म बन्न नसकेको अवस्था छ ।