जनकपुरधाम उपमहानगरमा बागी उम्मेदवार साह २ हजार बढी मतले अगाडी, छत्ता अझै गायब

न्यूज ब्यूरो, जनकपुरधाम । मधेश प्रदेशको राजधानी जनकपुरधाम उपमहानगरपालिकाको नगर प्रमुखमा बागी उम्मेदवार मनोज कुमार साह सुडीको अग्रता कायमै छ ।

गत बैशाख ३० गते सम्पन्न मतदान प्रक्रियापछि जारी रहेको मतगणनाको क्रममा सोमबार बिहानसम्म एमालेका शिवशंकर साह हिराको तुलनामा नेपाली काँग्रेसका बागी उम्मेदवार मनोज कुमार साह सुडी २ हजार भन्दा बढी मतले अगाडी रहेका छन् ।

सोमबार बिहानसम्म मनोजले कुल ११४५३ मत प्राप्त गरी अग्रस्थानमा रहेका छन् भने उनका निकटतम प्रतिद्धन्द्धी शिवशंकर साह हिरा ९१२७ मत ल्याएर पछयाउँदै गएका छन् ।

गठबन्धनको तर्फबाट जनता समाजवादी पार्टी (जसपा) नेपालबाट उम्मेदवार बनेका लालकिशोर साह भने ४७०८ मत ल्याएर तेस्रो स्थानमा रहेका छन् ।

जनकपुरधाम उपमहानगरपालिकाको २५ वटा वडाहरुमध्ये २३ वटा वडाको मतपरिणाम सार्वजनिक भएको छ भने अब मात्र दुई वटा वडाको मत पत्र गन्ती गर्न बाँकी रहेको छ ।

सो क्रममा जनमत पार्टीबाट मेयरमा उम्मेदवारी दिएकी अनिता देवीले भने १३५१ मत प्राप्त गरेकी हुन् ।