उमेश बचाउको नक्कली हिसाब देखाएपछि पत्रकार सम्मेलनमै धोइए सरोज राय, पत्रकारहरु मानेन हिसाब

न्यूज ब्यूरो, जनकपुरधाम । उमेश बचाउ अभियानमा लाखौँ रुपैयाँ उठाएका एनजिओकर्मी सरोज राय विहिबार पत्रकारहरुको चौतर्फी प्रश्नको घेरामा परेका छन् ।

चुनावको मतगणनाको मुखमा कम ध्यान आकृष्ट होस भन्ने उदेश्यले जनकपुरमा नेपाल पत्रकार महासंघ धनुषा शाखामा आयोजना गरेको पत्रकार सम्मेलनमा उनले अनाधिकृत हिसाबकिताब देखाएपछि पत्रकारहरुको प्रश्नको घेरामा परेका हुन् ।

बारम्बार आफू समाजसेवी रट्दै, ज्यानको जोखिम पारेको, परिवार छाडेको जस्ता शब्दहरु पटक पटक दोहरयाएपछि पत्रकारहरुले उनलाई प्रश्नको घेरा हालेपछि मात्र चुप लागेका छन् ।

आफूले स्वयँम तयार पारी ल्याएको हरहिसाब देखाएपछि पत्रकारहरुले रायसँग अधिकारिताको प्रश्न उठाएपछि उनले जवाफ दिन सकेनन् । हरहिसाब लेखेर राखेपनि हिसाब प्रमाणित गर्ने बैँक स्टेटमेन्ट र खर्चको प्रमाणहरु भने जुटाउन नसक्दा पत्रकारहरुले हिसाब मानेनन् ।

उनले उमेश बचाउ अभियानको क्रममा करिब ६० लाख रुपैयाँ उठेको जनाउँदै उनले ५० लाख बढी खर्च देखाएका छन् । ३० लाख रुपैयाँ पाकिस्तानी परिवारलाई दिने सहमति भए अनुसार पठाएको उल्लेख छ ।

तर, उनले तीन पटक पाकिस्तान जाँदा १२ लाख ६ हजार ४९२ रुपैयाँ खर्च देखाएका छन् । उनले यसको प्रमाण पेश नगरेपनि तीन पटक पाकिस्तान जाँदा प्रत्येक पटक ४ लाख रुपैयाँ खर्च गरेको उल्लेख छ ।

यस्तै, पुरै बचाउ अभियानमा पनि ५ लाख ६४ हजार रुपैयाँ उल्लेख भएको छ । पुरै अभियानको क्रममा के मा कति र कहाँ कहाँ भयो भनेर उल्लेख गरिएका छैन, सीधा ५ लाख ६४ हजार खर्च भयो भनेर उल्लेख छ ।

प्रभु बैँकमा रहेको ग्रोविँग नेपाल फाउण्डेशनको खातामा गएको रकमको कुनै स्टेटमेन्ट बिना नै आफ्नै मनले लेखेको रकमहरु पत्रकारहरुलाई बुझाउन खोजेपछि पत्रकारहरुले विरोध जनाउँदै अधिकारिक स्टेटमेन्ट उपलब्ध गराउन माग गरेका थिए ।

उनले पटक पटक यही अधिकारिक रहेको भन्दै बुझाउन खोजेपछि पत्रकारहरुले अधिकारिक पुष्टि भएको बैँक स्टेटमेन्ट नदिएसम्म आफैँले तयार पारेको हर हिसाब अवैद्यानिक रहेको जवाफ दिएको थियो ।

सो क्रममा पत्रकार गोविन्द महतोले भने, –“यो त तपाईले आफैँ लेख्नु भएको हिसाब हो, यसको अधिकारिता खोई ? बैँकमा जम्मा भएको रकम छ भने बैँक स्टेटमेन्ट खोई ? आफैँले लेखेर दिएपछि किन विश्वास गर्ने ? विश्वास गर्ने आधार खोई ?” भनेर प्रश्न गरेका थिए ।

सोही क्रममा पत्रकार दिपक कर्णले समेत सोही प्रश्नमा सहमति जनाउँदै बाँकी रहेको रकमको के गरिने र उमेश यादव यो हिसाबबाट सन्तुष्ट छ वा छैन भनेर प्रश्न तेर्साएका थिए । सो क्रममा उमेश यादव मन भारी बनाउँदै अधुरो जवाफ फर्काएको थियो ।

पत्रकार सम्मेलनमै पत्रकार उपेन्द्र भगत नागवंशीले हिसाब पारदर्शीताको लागि आधार पेश गर्न माग गरे । उनले सँस्थाको नाममा आएको लाखौँ रकमको बैँक स्टेटमेन्ट र अडिट रिपोर्ट समेत पेश गर्न माग गरे ।

पत्रकारहरुको जवाफमा एनजिओकर्मी सरोज रायले बैँक स्टेटमेन्ट नरहेको तथा बैँक खाता फ्रिज अवस्थामा रहेको र अडिट नगराएको जवाफ दिएका थिए । पत्रकारहरुले अडिट गराएर बैँक स्टेटमेन्टसहित मात्र आउन भनेका थिए ।

बारम्बार उनले आफूलाई समाजसेवी घोषित गर्न थालेपछि पत्रकार गोविन्द महतोले झपार्दै प्रमाण देखाउन भनेपछि उनी जवाफ पेश गर्न सकेनन् ।

उमेश बचाउ अभियानको क्रममा सउदी जाँदा त्यहाँका कामदारहरुले हातबाटै लाखौ रुपैयाँ दिएको बताइएको छ । विभिन्न रेमिट्यान्स र बैँक मार्फत रकम पठाएको थियो ।

उमेश बचाउ अभियानको ४ बर्ष भएपनि सरोज रायले अझै हरहिसाब पारदर्शी गरेका छैनन् । उनले हरहिसाब सार्वजनिक गर्ने स्टेटस फेसबुकमा राखेपछि ४ बर्षको बैँकको ब्याज समेत सर्वसाधारणहरुले खोजेका छन् । (धोईएः नक्कली तथ्याँक देखाएपछि पत्रकारहरुले झपारे भन्ने उदेश्यले शब्द प्रयोग)

यस्तो छ सरोज रायले आफैँले तयार पारेको हिसाबकिताब

Umesh Yadav bachau.pdf