सिरहाको लक्ष्मीपुर पतारीमा मतपेटिकामा खसेको भन्दा बढी मत, अवस्था तनावग्रस्त

न्यूज ब्यूरो, सिरहा । सिरहाको लक्ष्मीपुर पतारी गाउँपालिकाको एक वडाको मतपेटिकामा खसेको मतभन्दा अधिक मतपत्र भएपछि अवस्था तनावग्रस्त बनेको छ ।

मतपेटिकाको मतपत्र गणना हुँदा मुचुल्का उठाएको मतभन्दा अधिक मत देखिएपछि अवस्था तनावग्रस्त भएको हो ।

नेपाली काँग्रेस पार्टीले निर्वाचन अधिकृतलाई मोटो रकम खुवाएर वडा नम्बर १ देखि ४ सम्म बलपूर्वक विजयी गराएको आरोप लगाउँदे मतगणना स्थलमा तोडफोड र पत्थरवाजी भएको छ ।

लक्ष्मीपुर पतारीको वडा नम्बर ४ को मतगाण्ना हुँदा कुल २३९२ मात्र मत खसेकोमा मतगणना हुँदा करिब ३२ सयको हाराहारीमा गएपछि अन्य पार्टीका प्रतिनीधिहरुले विरोध जनाउँदै अधिकृतलाई कारवाहीको माग गरेको छ ।

निर्वाचन अधिकृत देवी प्रसाद सुवेदीले नेपाली काँग्रेससँग मोटो रकम खाएर जसरी पनि जिताउन लागिएको आरोप लगाउँदै मतगणनास्थलमै तोडफोड गरिएको हो ।

सो सन्दर्भमा देवी प्रसाद सुवेदीसँग सम्पर्क भने हुन सकेनन् ।