कमला नगरपालिका वडा नं. ८ मा पनि जसपा हारे, नेपाली काँग्रेस विजयी

न्यूज ब्यूरो, जनकपुरधाम । वि.सं. २०७४ सालको चुनावमा तत्कालिन संघीय समाजवादी फोरम तथा हाल जनता समाजवादी पार्टीबाट वडाध्यक्ष भएका राजेश्वर मरिक भारी मतान्तरले हारेका छन् ।

२०७९ को स्थानीय तह चुनावमा वडा नम्बर ८ को भएको मतगणनाको अन्तिम परिणाम अनुसार नेपाली काँग्रेसका तृपित भुडेर ७५८ मत ल्याएर विजयी भएका छन् ।

सोही ठाउँमा निकटम प्रतिद्धन्द्धी नेकपा माओवादी केन्द्रका विनय कुमार यादवले ६११ मत ल्याएका छन् भने जसपाबाट राजेश्वर मरिक यादव मात्र ३५५ मत प्राप्त गरेका छन् ।

राजेश्वर मरिक कमला नगरपालिका वडा नम्बर ८ का निवर्तमान वडाध्यक्ष समेत हुन् । उनी वडामै ४०३ मतान्तरले पराजित भएका छन् ।

यस्तै एमालेबाट उद्धार मण्डल केवट १८६ मत प्राप्त गरेका छन् ।

नगर प्रमुखमा नेपाली काँग्रेस ४०८ मत, माओवादी केन्द्र ५७४ मत र जसपा २८९ मत प्राप्त गरेका छन् । उपमेयरमा काँग्रेसबाट ५१३ मत, माओवादी केन्द्रबाट ५६६ मत र जसपाबाट ३२१ मत प्राप्त भएको छ ।