कमला नगरपालिका वडा नं. १ मा माओवादीले जसपालाई ढाल्यो, छत्ताको पत्ता साफ !

न्यूज ब्यूरो, जनकपुरधाम । पूर्वी धनुषाको कमला नगरपालिकाको वडा नम्बर १ बाट जनता समाजवादी पार्टी (जसपा) नेपाललाई माओवादीले ढाल्न सफल भएको छ ।

माओवादी केन्द्रबाट वडाध्यक्षमा उम्मेदवारी दिएका सर्वदेव यादव ९९१ मत प्राप्त गरी विजयी भएका हुन् । उनी जसपाभन्दा ४२६ भारी मतान्तरले विजयी भएको हो ।

वडा नं. १ मा जसपाको सँगठनलाई सुरुदेखि नै पातलो बनाएको माओवादीले अन्ततः विजयी हाँसिल गर्न सफल भएको हो ।

जसपाका राजकुमार यादवले मात्र ५६५ मत प्राप्त गरेपछि सर्वदेव यादव भारी मतले विजयी भएको हो ।

सर्वदेव यादव विजयी भएलगत्तै मतगणना स्थल बाहिरै विजयी उत्सव मनाएको हो । उनका समर्थकहरुले उनलाई काँधमा बोकेर उनलाई अबिर माला लगाउँदै विजयी उत्सवको पनि सुरु गरेको हो ।