धनुषाको कमला नगरपालिकामा अझै सुरु भएन मतगणना, मतगणनामा स्थानीय कर्मचारी नराख्न माग

न्यूज ब्यूरो, जनकपुरधाम । मधेश प्रदेशको धनुषा जिल्लास्थित रहेको कमला नगरपालिकामा शुक्रबार रातीदेखि नै हुने भनिएको मतगणना अझै सुरु हुन सकेको छैनन् ।

कमला नगरपालिकाको विभिन्न राजनीतिक दलका उम्मदेवारहरुले स्थानीय कर्मचारीलाई मतगणनामा राख्न नदिने अडानपछि सर्वदलिय बैठक समेत सुरु हुन सकेनन् ।

मतगणनामा धाँधली र मतपेटिकामा मतको गडबडी हुन सक्ने आशँका गर्दै केही राजनीतिक दलका प्रतिनीधिहरुले स्थानीय कर्मचारीलाई राखेसम्म मतगणना हुन नदिने अडानमा रहेका छन् ।

विभिन्न स्थानमा मतगणना हुँदा जालझेल गरी नजिकको उम्मेदवारलाई निर्वाचित गराउने घटनाहरु भएको भन्दै केही प्रतिनीधिहरुले सो भित्रका कर्मचारीहरुलाई रिप्लेसको माग गरिरहेका छन् ।