मुस्लिम आयोगका अध्यक्ष समिम मियाँ जनकपुरको होटेलबाट पक्राउ अफवाह मात्र: प्रहरी

न्यूज ब्यूरो, जनकपुरधाम । मुस्लिम आयोगका अध्यक्ष समिम मियाँ मधेश प्रदेशको राजधानी जनकपुरधामको एक होटेलबाट पक्राउ परेको खवरलाई अफवाह बताएको छ ।

मौन अवधीमा जनकपुरमा मतदातालाई प्रभावित पार्न पैसा बाँडेको आरोपमा जनकपुरको एक होटेलबाट उनलाई पक्राउ गरिएको बताइएपनि प्रहरीले खवर झुठो रहेको प्रष्ट पारेको छ ।

ब्यागमा पैसासहित उनलाई जनकपुरधामस्थित रहेको होटेल सिताशरणको ३०५ नम्बरको कोठाबाट पक्राउ गरिएको जानकारी भएपनि प्रहरीले त्यस्तो केही नरहेको प्रष्टयाएका छन् ।

जनपद प्रहरी र सशस्त्र प्रहरीको सँयुक्त टोलीले उनलाई पक्राउ नगरी हो–हल्ला हुँदा विमानस्थलसम्म सुरक्षासाथ पठाएको बताएको छ । यद्यपी, प्रहरीले उनलाई पक्राउ नगरी विमानस्थलमा पुरयाएको मात्र बताएका छन् ।

जिल्ला प्रहरी कार्यालय धनुषाका प्रहरी प्रवक्ता (डिएसपी) प्रदीप बहादुर क्षेत्रीले मियाँलाई जनकपुरधाम विमानस्थलसम्म पुरयाएको मात्र बताएका छन् ।

उनले होटेलमा बसेर एमालेको तर्फबाट पैसा बाँडेको खवरसहित प्रहरीको टोली र पत्रकारहरुको टोली समेत पुगेको तथ्यलाई धनुषा प्रहरीले अफवाह बताएका छन् ।

धनुषा प्रहरीले मुस्लिम आयोगका अध्यक्ष समीममियाँ अन्सारीलाई पक्राउ नगरेको प्रष्ट पारेको छ । विभिन्न सञ्चारमाध्यममा अध्यक्ष अन्सारीलाई पक्राउ गरेको समाचार आएपछि प्रहरीले पक्राउ नगरेको प्रष्ट पारेको हो ।

धनुषा प्रहरी प्रवक्ता डिएसपी प्रदीपबहादुर क्षेत्रीले पक्राउ परेको भन्ने समाचार झुठा भएको बताए । ‘बिहानदेखि २० जनाले फोन गरेर सोधिक्नुभयो । उहाँ पक्राउ पर्नु भएको होइन् । साथीको घरमा खाना खान गएपछि पैसा बाड्न आएको भन्दै केहीले होहल्ला गर्नुभएको रहेछ । पछि हामीले उहाँको रेस्क्यू गरेका हौँ ।’ प्रवक्ता क्षेत्रीले भने ।

धनुषामा रहेका अध्यक्ष अन्सारी आज बिहान आफ्ना साथी तथा प्रदेशसभा सदस्य हकिम रहिमको घरमा खाना खान गएका थिए । प्रवक्ता क्षेत्रीका अनुसार त्यही खाना खाएर दिउँसो काठमाडौं फर्किने कार्यक्रम थियो । तर, पैसा बाँड्न आएको भन्दै होहल्ला भएपछि प्रहरीले उद्धार गरेको उनको भनाइ छ ।

प्रहरीले उद्धार गरेर उनलाई काठमाडौं पठाइसकेको छ । मतदातालाई प्रभावित पार्न पैसा बाँड्न खोजेको आरोप नेकपा एमालेले लगाएको छ । मुस्लिम समुदायका अगुवालाई बोलाएर अन्सारीले पैसा बाँड्न खोजेको सूचना पाएपछि आफूहरू त्यहाँ पुगेको नेकपा एमालेले जनाएको छ । तर, प्रहरीले भने साथीको घरमा गएको बेला एमाले कार्यकर्ताले पैसा बाँड्न आएको भन्दै हो-हल्ला गरेको प्रष्ट पारेको छ ।