धनौजी गाउँपालिकामा स्कूल छुटाएर एमालेको रयालीमा स्कूले बालबालिका

न्यूज ब्यूरो, जनकपुरधाम । धनुषाको धनौजी गाउँपालिकास्थित वस्तीमा व्यक्तिहरु नपाएपछि एमालेले बालबालिकाहरुलाई प्रयोग गर्न थालेका छन् ।

धनौजी गाउँपालिका वडा नम्बर ३ स्थित एमालेको घरदैलो कार्यक्रममा ५ देखि १० बर्षका स्कूले बालबालिकारुलाई प्रयोग गर्ने गरेको छ ।

निर्वाचन आयोगले जारी गरेको निर्वाचन आचारसंहिताको धज्जिया उडाउँदै एमालले बालवालिकाहरुलाई स्कूल छुटाएर रयालीमा लैजान गरेका छन् ।

गरिब, निमुखा, अल्पसँख्यक, सीमान्तृकत समुदायका बालबालिकाहरुलाई केही रकमको प्रलोभन दिँदै स्कूल जान नदिई उनीहरुलाई रयालीमा लग्ने गरेको देखिएको छ ।

धनौजी गाउँपालिकाको अध्यक्ष पदमा एमालेबाट रामबाबु साह उम्मेदवारी दिएका छन् । उनले बालबालिकाहरुलाई प्रयोग गर्न थालेका छन् ।