मुख्यमन्त्रीका पिए 'यादव' को दादागिरी, प्रहरीले रोकेपछि प्रहरीलाई बीच सडकमै दुरव्यवहार

न्यूज ब्यूरो, जनकपुरधाम । मधेश प्रदेशका मुख्यमन्त्री मो. लालबाबू राउतका पिए (स्वीकीय सचिव) जीतेन्द्र यादवले प्रहरीमाथि सार्वजनिक स्थलमै दुरव्यवहार गरेको भिडियो सार्वजनिक भएको छ ।

शनिबार मधेश प्रदेशको राजधानी जनकपुरधामस्थित पाँच दलित गठबन्धनको रोड शोको क्रममा सुरक्षा लाईन भन्दा भित्र छिर्न खोज्दा उनलाई प्रहरीले रोकेपछि प्रहरीमाथि नै दुरव्यवहार गरेका छन् ।

शनिबार दलहरुको रोड शोको क्रममा जनकपुरधाको तिरहुतिया गाछीभित्र गाडी जान नदिएपछि आक्रोसित भएका पिए यादवले प्रहरीमाथि नै दुरव्यवहार गरेका हुन् ।

यसअघि मुख्यमन्त्री राउतकै एक पिए प्रेमचन्द्र झाले एक पत्रकारलाई अभद्र गाली गलौज गरेको समाचारहरु बाहिर आएको थियो । मुख्यमन्त्री राउतका पिए यादवले बीच सडकमा दादागिरी गरेको देखिन्छ ।

शान्तिसुरक्षाका लागि दिनरात अहोरात्र खट्ने प्रहरीलाई गल्हत्याउँदै पिए यादवले दुरव्यवहार समेत गरेको देखिएको छ । पावरको आडमा उनले प्रहरीमाथि जाईलागेका हुन् ।

धनुषा निर्वाचन क्षेत्र नम्बर ३ बाट चुनाव लडने मुडमा रहेका पिए यादवले जनकपुर क्षेत्रको मतदाता सुधारको लागि लालकिशोर साहलाई जीताउन दिनरात खटेका छन् ।