जसपामा विवादः सिरहामा टिकट नदिएपछि राजकिशोर पक्षले उपेन्द्र पक्षलाई कुटे !

न्यूज ब्यूरो, सिरहा । सिरहामा जनता समाजवादी पार्टी (जसपा) नेपालका नेता राजकिशोर यादव पक्षले उपेन्द्र यादव पक्षलाई कुटपिट गरेको आरोप लगाइएको छ ।

सिरहामा जसपाका राष्ट्रिय अध्यक्ष उपेन्द्र यादव पक्ष र तत्कालिन राजपाबाट जसपा पसेका साँसद राजकिशोर यादवबीच पहिलेदेखि नै टसल हुँदै आएको छ ।

मँगलबार बेलुकी करिब ८ बजेको समयमा जसपाका प्रचार विभागका प्रमुख प्रकाश अधिकारीमाथि राजकिशोर यादव पक्षले आक्रमण गरी घाईते बनाएको बताइएको छ ।

टिकट वितवरणको क्रममा अधिकारीले मनोमानी गरेको आरोपसहित उनीमाथि मँगलबार बेलुकी राजकिशोर यादव पक्षले आक्रमण गरेको बताएका छन् ।

पार्टीको कार्यकारणी सदस्य एवं कार्यालय सचिवसमेत रहेका उनीमाथि मंगलबार साँझ मिर्चैया नगरपालिका वडा नम्बर ९ घुर्मीबजार नजिकै आक्रमण भएको हो ।

सिराहा नगरपालिकाको बा. २ झ ३६५१ नम्बरको सरकारी गाडी (स्कारपियो) मा सवार अधिकारीमाथि बाँसको भाँटाले आक्रमण भएको प्रहरीले जनाएको छ ।

इलाका प्रहरी कार्यालय मिर्चैयाका अनुसार शरीरमा चोट लागेका अधिकारीको घुर्मीस्थित लाइफलाइन हेल्थ केयरमा सामान्य उपचारपछि थप उपचारका लागि मिर्चैया पठाइएको छ । आक्रमणबाट गाडीमा पनि क्षति पुगेको छ ।

सिराहाका स्थानीय तहमा टिकट वितरणमा मनोमानी गरेको भन्दै जसपाकै असन्तुष्ट पक्षले उनको आलोचना गर्दै आएको थियो ।

आक्रमण गर्ने पक्ष पार्टी नेता राजकिशोर यादवको भाइलगायत रहेको अधिकारीको आरोप छ । ‘राजकिशोरको भाइ कासिन्द्र र पवितर यादवलगायत १५–२० जनाको समूहले ममाथि आक्रमण गर्‍यो,’ उनले भनेका छन् ।

यद्यपी, आरोपित काशिन्द्र यादवले आफूलाई अधिकारी चिन्दै नचिनेकोले कसैको उक्साहटमा मात्र आफ्नो नाम भनेको प्रतिक्रिया दिएका छन् । उनले त्यो घटनासँग आफ्नो कुनै सम्बन्ध नरहेको बताएका छन् ।

न्यूज ब्यूरोसँगको कुराकानीमा उनले भने, –“मिर्चैयामा मेरो यामाहाको शोरुम छ, म उतै थिए साँझ । त्यो घटना कति बेला भयो, के भयो, समाचारहरु हेरेपछि मात्र थाहा पाए ।