ईन्सपेक्टर घिमिरेको कडा गस्ती, धमाधम DJ र लाउडस्पीकर मेसिन उठाउँदै खजुरी प्रहरी

न्यूज ब्यूरो, जनकपुरधाम । जिल्ला प्रहरी कार्यालय धनुषा मातहतको ईलाका प्रहरी कार्यालय खजुरीले अहिले डिजे र लाउडस्पीकर उठाउने कार्यतलाई तीव्रता दिएका छन् ।

जिल्ला प्रहरी कार्यालय धनुषा, जिल्ला प्रशासन कार्यालय धनुषाले जिल्लामा चर्को साउण्डको डिजे, लाउडस्पीकर बजाउन प्रतिबन्ध गरेको अवस्थामा अटेरी गर्दै आएको डिजे सँचालकहरुलाई तनाव भएको छ ।

कमला नगरपालिका र जनकनन्दिनी गाउँपालिकाको विभिन्न वस्तीस्तरबाट लाउण्डस्पीकरको मेसिन, डिजेको मेसिन उठाउने कार्यलाई तीव्रता दिएको हो ।

ईलाका प्रहरी कार्यालय खजुरीका प्रहरी नीरिक्षक (ईन्सपेक्टर) नीरञ्जन घिमिरले विहिबार कमला नगरपालिकाको विभिन्न स्थानबाट लाउडस्पीकरको मेसिन उठाएका छन् ।

कमला नगरपालिका वडा नम्बर २ माचि झिटकैयाबाट लाउडस्पीकरको मेसिन, सराबेबाट डिजेको मेसिन उठाएर कारवाही थालेका छन् ।

राती ९ बजेसम्म मात्र लाउडस्पीकर सानो आवाजमा मात्र बजाउनुपर्ने जिल्ला प्रहरी कार्यालय धनुषाको निर्णयलाई कार्यन्वयन गर्न लागेका हुन् ।

सो क्रममा ईन्सपेक्टर घिमिरिले रातीमा हर्न बजाउन निषेध गरिएको बताउँदै हर्न बजाए बाजाको सबै मेसिन प्रहरीले नियन्त्रणमा लिने बताए ।

उनले बिहेबारीमा भने राती ९ बजेसम्म बजाउन पाउने तथा अश्लिल खालको गीतहरु बजाए बिहेबारीमा पनि लाउडस्पीकर कारवाहीमा पर्ने बताए ।

उनले भने, –“बिहेको कार्यक्रममा कसैलाई आपत्ति हुँदैन, तर त्यसको पनि समय सीमा तोकिएको छ । राती ९ बजेपछि माथि झुण्डयाउने हर्न बन्द हुनुपर्छ, मध्यम आवाजमा बक्स बजाए कारवाही गर्दैनौ तर, गीत भने बिहेकै बज्नुपर्छ । अश्लिल गीतहरु बजाए जतिबेला पनि कारवाही गर्नेछौँ ।”

ईलाका प्रहरी कार्यालय खजुरी र प्रहरी चौकी माचि झिटकैयाले कमला नगरपालिका, जनकनन्दिनी गाउँपालिकाको विभिन्न बस्तीमा गस्ती पठाएर लाउडस्पीकर कारवाहीमा पार्न थालेका छन् ।

चर्को साउण्डमा लाउडस्पीकर बजिरहेको कसैले गुनासो गरेमा कारवाही थाल्ने बताए । उनले आफ्नो नम्बर सार्वजनिक गर्दै लाउडस्पीकर बिना कामको लाउडस्पीकर बजिरहेको खवर नम्बरमा दिन आग्रह गरे ।

ग्रामिण भेकमा अहिले बिहेबारीभन्दा १० दिन अगाडी देखि नै चर्का साउण्डमा अश्लिल गीत बजाउने, राती महिलाहरुले १२ बजेसम्म हर्न लगाएर गीत गाउने, मटकोर जस्ता कार्यक्रममा पनि चर्को साउडको डिजे लगाएर अश्लिल गीत बजाउने ध्वनी प्रदुषण गरिरहेका छन् ।

ज्ञातव्य छ, डिजेकै कारण माचि झिटकैयामा तीन जनाको ज्यान गएको छ भने जनकनन्दिनी गाउँपालिको वडा नं. ६ कठालमा डिजेको रथले किचेर एक जनाको मृत्यू भएको छ ।