धनुषा शहिदनगरमा नेता चौधरी काँग्रेस छाडेर माओवादीमा

न्यूज ब्यूरो, जनकपुरधाम । धनुषा शहिदनगर नगरपालिकाका नेपाली काँग्रेसका चर्चित नेता श्याम चौधरी काँग्रेस छाडेर माओवादीमा प्रवेश गरेका छन् ।

नेपाल कम्यूनिष्ट पार्टी (माओवादी केन्द्र) का धनुषा जिल्ला ईन्चार्ज श्रवण कुमार बरबरिया (यादव) र शहिदनगर नगरपालिकाका निवर्तमान नगर प्रमुख उदय कुमार बरबरिया (यादव) ले चौधरीलाई पार्टी प्रवेश गराएका हुन् ।

विगत लामो समयदेखि नेपाली काँग्रेसका रहँदै आएका चौधरी यदुकूहा बजारको कुशल व्यावसायी पनि हुन् । उनले स्थानीय तह निर्वाचनको लागि मनोयन दर्ताको अन्तिम दिनमा माओवादी प्रवेश गरेका हुन् ।

नेता चौधरीलाई नेता बरबरियाद्धयले अबिर माला लगाएर पार्टीमा स्वागत गरेका छन् ।