सिरहाका मेयर यादव एकलौटी गर्न खोज्यो: वडाध्यक्ष यादव

न्यूज ब्यूरो, सिरहा । मधेश प्रदेशको सिरहा जिल्लास्थित सिरहा नगरपालिकाका मेयर अशेश्वर यादव पार्टीभित्र एकलौटी गर्न खोजेको आरोप लगाएका छन् ।

सिरहा नगरपालिका वडा नम्बर १९ का वडाध्यक्ष गोपाल प्रसाद यादवले सिरहाका मेयर अशेश्वर यादवले एकलौटी गरिरहँदा जसपा छाडेर अन्य पार्टीमा समेत जान लागेको चियोचर्चा चलेको बताए ।

जसपाको प्रदेश समितिले बैशाख ६ गतेभित्र पालिकास्तरीय बैठक बसी उम्मेदवारहरुको नाम सिफारिस पठाउन उर्दी जारी गरेपछि जसपाका नगर अध्यक्ष समेत रहेका मेयर यादवले बैठक बस्नबाट पन्छिदै आएको आरोप लगाएका छन् ।

वडाध्यक्ष यादवले पार्टीको हैसियतले नगरध्यक्षले बोलाउने बैठकको लागि पटक पटक आग्रह गर्दा पनि बैठक नबोलाएको आरोप लगाउँदै गुपचुप रुपमा बैठक बसी आफ्नो गोजीका मान्छेलाई सिफारिस गर्ने तयारी गरेको आरोप लगाएका छन् ।

उनले भने, –“जसपाको हैसियतले मेयर साहब सिरहा नगरपालिकाको नगर अध्यक्ष समेत हुनुहुन्छ, पार्टीले बैशाख ६ गतेभित्रै उम्मेदवारको टुँगो लगाउने गरी सिफारिस पठाउन अन्तिम मिति दिएपनि उहाँले बैठक बसाउन चाहनुहुन्न्न । आज बैठकको बारेमा सोध्दा मेयर साहबले बैठक सम्पन्न भएको बताएपछि आफूहरु उजुरी समेत गरेको छु । ”

अशेश्वर यादवले पार्टीको हैसियतले पनि एकलौटी ढँगले प्रस्तुत भएको आरोप लगाए । उनले आगामी चुनवाको टिकटको लागि सिफारिस गरिने उम्मेदवारहरुको नामाबली एकलौटी गरी पठाउन बैठक नै नबसी एकलौटी गर्न खोजिएको आरोप लगाए ।

यता, नगरध्यक्ष यादवले आरोपलाई खण्डन गर्दै अहिले कुनै पनि बैठक नभएको बताए । उनले वडाध्यक्ष यादवले आफूलाई धक्का दिन निहुँ मात्र खोजेको दाबी गरे ।

अहिले पार्टीको उम्मेदवारको लागि सिफारिस सम्बन्धी कुनै बैठक नभएको भन्दै बैठक किन नबसाउनुभएको प्रश्नमा फोन काटे । प्रश्नको जवाफ माग्दा उनले फोन काटेर प्रतिक्रिया दिन चाहेनन् ।