जनकपुरको श्रम कार्यालय सारियो, भोलीसम्म सेवा अवरुद्ध रहने

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित रहेको श्रम कार्यालय सारिएपछि तीन दिन सेवा अवरुद्ध रहने सूचना जारी गरेको छ ।

श्रम तथा रोजगार कार्यालय जनकपुरधामले आईतबार एक सूचना जारी गर्दै जनकपुरधाम उपमहानगरपालिका वडा नम्बर १२ क्याम्पसचोकमा सँचालन हुँदै आएको श्रम कार्यालय जनकपुरधाम उपमहानगरपालिका वडा नं. ९ पिडारीचोकमा सारिएको जनाएको छ ।

क्याम्पसचोकबाट कार्यालय सारेर जनकपुरकै पीडारीचोकमा स्थानन्तर गर्न लागेको भन्दै तीनदिनसम्म ईन्टरेनट जडानसहित कार्यालय व्यवस्थापनको लागी मँगलबारसम्म कार्यालयको सेवा अवरुद्ध हुने जनाएको छ ।

वैदेशिक रोजगारीको लागि जाने नागरिकहरुले लिने श्रम स्वीकृतिको कार्य आईतबारदेखि मँगलबारसम्म अवरुद्ध रही बुधबारदेखि मात्र सुचारु हुने जनाइएको छ ।

श्रम कार्यालयका निमित्त कार्यालय प्रमुख राम उदगार अधिकारीद्धारा हस्ताक्षरित सो सूचनामा २०७९ बैशाख ०४ गतेदेखि २०७९ बैशाख ०६ गतेसम्म कार्यालयबाट प्रवाह हुने सम्पूर्ण सेवाहरु अवरुद्ध रहने जनाएको छ ।