जनकपुरः मोटरसाईकल दुर्घटनामा परी एक किशोरको मृत्यू, एकको अवस्था गम्भिर !

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित मोटरसाईकल दुर्घटना हुँदा एक जना किशोरको घटनास्थलमै मृत्यू भएको छ ।

आईतबार बिहान धनुषाको धनौजी गाउँपालिका वडा नम्बर ४ भडरियास्थित मोटरसाईकल दुर्घटनामा परी स्थानीय रामवरण पासवानको १५ बर्षिय छोरा नितेश पासवानको मृत्यू भएको हो ।

धनौजी गाउँपालिका वडा नम्बर ४ बस्ने पासवान दही लाउन भडारियाबाट बहुअर्बा जाँदै गरेको बेला जमुनी पूलस्थित दुर्घटना भएको बताइएको छ ।

बहुअर्बा जादै गरेको बेला जमुनी पुलस्थित दुर्घटना भएको थियो । दुर्घटनामा मोटरसाईकल चलाएका चालक पासवानको मृत्यू भएको हो । चालक पासवानले हेल्मेट नलगाउँदा उनको घटनास्थलमै मृत्यू भएको प्रहरीले जनाएको छ ।

दुर्घटनापछि दुवै जनालाई जनकपुरस्थित काव्या हस्पिटलमा ल्याएको थियो । त्यहाँ पुग्ने वित्तिकै पासवानलाई चिकित्सकले मृत घोषित गरेको थियो भने अर्का किशोरको उपचार सोही अस्पतालको आईसीयूमा भईरहेको छ ।