जनकपुरको जानकी मन्दिर कब्जामा, मन्दिरभित्रसम्म गाडी पार्किँग

न्यूज ब्यूरो, जनकपुरधाम । विश्वप्रसिद्ध जनकपुरधामको जानकी मन्दिरको प्राँगनमा बुधबार नीजि देखि सरकारी गाडीहरु पार्किँग गरि जानकी मन्दिर कब्जा गरियो ।

मैथिली विकास कोषद्धारा आयोजित जनकपुरधाम साहित्य महोत्सवको क्रममा साईकल समेत वर्जित गरिएको जानकी मन्दिरको भित्री प्राँगनमा नेताको गाडीदेखि ट्रयाक्टरसम्म भित्रै पार्किँग गर्दा धार्मिक धरोहरमाथि प्रहार गरिएको टिकाटिप्पणी गरिएको छ ।

जानकी मन्दिरको प्राँगनमै आयोजना गरिएको जनकपुरधाम साहित्य महोत्सव–२०७८ को क्रममा ट्रयाक्टरदेखि चारपाँग्रे गाडीहरु मन्दिरकै भित्री मुख्यद्धार अगाडी पार्किँग गरेपछि समाजिक सँजालमा समेत यसको विरोध गरिएको छ ।

मधेशको धार्मिक धरोहरको रुपमा रहेको जानकी मन्दिरको भित्री प्राँगनमै गाडीहरु पार्किँग गरेपछि धार्मिक धरोहरको मूल्य मान्यतमा ठेस पुगेको टिकाटिप्पणी गरिएको छ ।

पटक पटक जानकी मन्दिरमा नाचगानसहित राजनीतिक कार्यक्रमहरु समेत जानकी मन्दिरमै गर्न थालेपछि जानकी मन्दिरको प्रतिष्ठामाथि समेत प्रश्न उठेको छ । जानकी मन्दिरको प्राँगनमा गाडी पार्किँग निषेध गरिएको छ ।