दिनमा दुई लाख रुपैयाँ आम्दानी नभए रेल घाटामा जान्छः महाप्रबन्धक झा

न्यूज ब्यूरो, जनकपुरधाम । झण्डै ८ बर्षपछि चलेको नेपाल रेल्वेमा अहिले यात्रुहरु खचाखच भरेको देख्न सकिन्छ ।

नियमित सञ्चालनमा आएको नेपाल रेल्वे सेवामा पहिलो दिन १ हजार ५ सय यात्रुहरुले यात्रा गरेका छन् ।

आइतबार पहिलो दिन १ हजार ५ सय यात्रुले यात्रा गरेको नेपाल रेल्वे कम्पनीका महाप्रवन्धक निरञ्जन झाले जानकारी दिएका छन् ।

पहिलो दिन यात्रुबाट भाडा स्वरुप ८० हजार रुपैयाँ आम्दानी भएको जनाइएको छ । रेल सेवा सञ्चालनको लागि कम्तीमा दैनिक २ लाख रुपैयाँ आम्दानी हुनु पर्ने बताउंदै महाप्रवन्धक झाले यो भन्दा कम भए घाटा हुने बताए ।

अहिले जयनगरदेखि कुर्था तथा कुर्था देखि जयनगरसम्म दैनिक दुईपटक ओहरदोहर गर्ने गरी रेल सञ्चालनमा छ ।

पहिलो चरणमा जनकपुरधामको कुर्थाबाट जयनगरसम्म ३५ किलोमिटरमा रेलसेवा सञ्चालनमा छ । जनकपुरधामदेखि जयनगरसम्मको रेलको भाडा सामान्य टिकट ७० र एसीकोच तर्फ ३ सय ७० रुपैयाँ तोकिएको छ ।

रेल दिनको दुई पटक आउने र दुई पटक जाने गरी समय तालिका निर्धारण गरिएको बताइएको छ ।

जयनगरबाट बिहान साढे आठ बजे र दिउँसो ३ बजे छुट्नेछ भने कुर्थाबाट बिहान साढे १० र साँझ सावा पाँच बजे रेल छुट्नेछ