चोकमा प्रहरी ड्युटी नबस्दा पसलमा भिषण आगजनी, सबै धनमाल जलेर नष्ट

न्यूज ब्यूरो, जनकपुरधाम । पूर्वी धनुषाको तिनकोरिया चोकमा प्रहरीले आफ्नो ड्युटी नबस्दा एक पसलमा भिषण आगजनी गरिएको छ ।

धनुषाको विदेह नगरपालिका अन्तर्गत पर्ने तिनकोरिया चोकमा गएराती करिब ११ः३० बजेको समयमा एक पसलमा कसैले आगो लगाईदिँदा पसलको सबै धनमाल जलेर नष्ट भएको स्थानीयहरुले बताएका छन् ।

२० बर्षदेखि सँचालनमा रहेको सान्ता पान पैलेसमा शनिबार राती करिब ११ः३० बजे कसैले आगो लगाइदिएको पसले सँतोष कुमार मण्डलले बताएका छन् ।

गर्मीयाममा ११ः३० बजेको समयमा पनि तिनकोरिया प्रहरी आफ्नो ड्युटी नबस्दा सो आगजनी गरिदिएको आरोप लगाएका छन् । आगजनी भएपछि पुरै पसल नै जलेर ध्वस्त भएको छ ।

पसलभित्र रहेको किरानाको समान सहित बेच्न राखिएको कपडाहरु समेत जलेर नष्ट भएको छ । पान पसलको साथै किराना पसल र कपडा पसल समेत सँचालन हुँदै आएको थियो ।

पसलको पहिलेको तस्विर (फाईल फोटो)

---

यता, ईलाका प्रहरी कार्यालय औरहीको मातहत पर्ने प्रहरी चौकी तिनकोरियाका सई आशनारायण गिरीले तिनकोरिया चोकमा हरेक समय प्रहरको ड्युटी रहने गरेको दाबी गरेका छन् ।

चोकमै र पानपसलदेखि करिब ५० मिटरको दुरीमा मात्र रहेको प्रहरी चौकी तिनकोरियाबाट प्रहरी ड्युटीमा रहदै आएको प्रतिक्रिया दिए ।

आगलगी कसरी भयो वा कसले आगजनी गरिदियो सन्दर्भमा जिल्ला प्रहरी कार्यालय धनुषाको अनुसन्धान टोली बोलाएको सई गिरीले न्यूज ब्यूरोलाई बताए ।

आगजनीबाट पसले मण्डलले करिब ५ लाख बराबरको क्षति भएको दाबी गरेका छन् भने प्रहरीले करिब ३ लाख बराबरको क्षति देखिएको बताएका छन् ।

्आगलगी भएको देखेपछि तिनकोरिया प्रहरीले निभाउने प्रयास सुरु गर्दै थप टोली ईलाका प्रहरी कार्यालय औरहीबाट समेत मगाएर स्थानीयहरुको सहयोगमा आगो नियन्त्रणमा लिएको गिरीले थपे ।