अब प्रदेशको मदरसामा पनि राष्ट्रगान लागु गर्न सरकारी आदेश जारी

न्यूज ब्यूरो, जनकपुरधाम । मुस्लिम समुदायहरुको बालबालिका पढने मदरसामा समेत अब देशको राष्ट्रगान अनिवार्य गरिएको आदेश जारी भएको छ ।

छिमेकी मुलुक भारतको उत्तर प्रदेशमा मदरसा शिक्षा परिषद्को बैठकबाट विहिबार सो फैसला गरिएको हो । अब आउँदो नयाँ शैक्षिक सत्रमा हरेक मदरसामा पनि कक्षा सुरु हुनुभन्दा पहिले राष्ट्रगान गाउने भएको छ ।

उत्तर प्रदेश मदरसा शिक्षा परिषद्को रजिष्ट्रारले यस सम्बन्धमा आदेश जारी गरेको हो । यसको साथै अब हरेक मदरसामा पनि शिक्षकको अनिवार्य उपस्थितिको लागि बायोमेट्रिक सिस्टम जारी गरिने भएको छ ।

मदरसा शिक्षा परिषद्को बैठकमा नयाँ सत्रदेखि अनलाईन रजिष्ट्रेशनको समेत सुविधाहरु सुरु गरिने भएको छ । बोर्डको बैठकमा मदरसामा दिइने शिक्षालाई लिएर अहम फैसला लिइएको हो ।

यसको तहत आधारभूत शिक्षा परिषदको तर्जमा अब मदरसा बोर्ड पनि ६ बिषयमा परीक्षा गराउनुपर्ने भएको छ । मदरसा शिक्षा परिषदको परीक्षाहरु १४ मे देखि २७ मेको बीचमा गरिने पनि निर्णय भएको हो ।