जसपाको पार्टी प्रवेशमा ओरकेष्ट्रा, महिला नर्तकी नचाएर पार्टी प्रवेश (भिडियो सहित)
नचाएपछि मधेश प्रदेश नाम हटाएर मिनी बिहार नाम राख्नुपर्ने जस्ता टिप्प्णी गरिएको छ ।
२०७८ चैत ७ सोमबार, बेलुकी ६:०२ बजे१ मिनेट पढाइ
न्यूज ब्यूरो, वीरगँज । उपेन्द्र यादव नेतृत्वको जनता समाजवादी पार्टी (जसपा) नेपालले ओरकेष्ट्रा नचाएर पार्टी प्रवेश कार्यक्रम गरेका छन् ।
मधेश प्रदेशको पर्सा जिल्ला निर्वाचन क्षेत्र नम्बर ३ को पोखरियास्थित सोमबार आयोजना गरिएको वृहत पार्टी प्रवेश कार्यक्रममा नर्तकी नचाएको हो ।
पार्टीका अध्यक्ष उपेन्द्र यादवदेखि मधेश प्रदेशका मुख्यमन्त्री समेत सामेल भएको सो कार्यक्रममा मान्छे जम्मा पार्नको लागि ओरकेष्ट्रा नचाएको हो ।
यसअघि रौतहट जिल्लामा विभिन्न ठाउँमा पूर्व मन्त्री समेत रहेका पूर्व माओवादीका नेता (हाल एमाले) प्रभु साहले नर्तकी नचाएर विभिन्न कार्यक्रमहरु गरेपछि चौतर्फी आलोचना भएको थियो ।
केही महिनाअघि मात्र सिरहा जिल्लास्थित पूर्व मन्त्री एवम् जसपाका नेता राजकिशोर यादवले समेत ओरकेष्ट्रा नचाएर पार्टी प्रवेश कार्यक्रम गरेपछि आलोचना भएको थियो ।
प्रदेशका मुख्यमन्त्री जस्तो गरिमामय पदमा रहेका व्यक्तिहरु आसिन मँचमा ओरकेष्ट्रा नचाएर पार्टी प्रवेश कार्यक्रम गर्दा समाजिक सँजालमा आलोचना भएको छ ।
नर्तकी नचाएर पार्टी प्रवेश कार्यक्रम गराएको भन्दै आलोचना भएको हो । समाजिक सँजाल प्रयोगकर्ताहरुले मान्छे जम्मा पार्नको लागि मात्र नर्तकी नचाएको पनि टिप्पणी गरिएको छ ।
जसपाले पार्टी प्रवेश कार्यक्रममा ओरकेष्ट्रा नचाएपछि मधेश प्रदेश नाम हटाएर मिनी बिहार नाम राख्नुपर्ने जस्ता टिप्प्णी गरिएको छ ।
भिडियो हेर्नुहोस ।
LINK : https://fb.watch/bUckNYKl3I/
कस्तो महसुस भयो ?
प्रतिक्रिया दिन साइन इन गर्नुहोस्
टिप्पणी
आफ्नो विचार राख्न साइन इन गर्नुहोस्।
लोड हुँदै…