डा.सिके राउतको आन्दोलनको प्रतिफलः किसानलाई सिँचाईमा खपत हुने बिजुली निःशुल्कको घोषणा

न्यूज ब्यूरो, काठमान्डौँ । ऊर्जा, जलस्रोत तथा सिँचाईमन्त्री पम्फा भुसालले सिँचाईमा खपत हुने विद्युत निःशुल्क बनाउने घोषणा गरेकी छन्।

मन्त्री भुसालले कृषि क्षेत्रलाई आत्मनिर्भर बनाई मुलुकको अर्थतन्त्रलाई टेवा पुर्‍याउन आफूले सिँचाईमा खपत हुने विद्युत निःशुल्क बनाउने लक्ष्य लिएको पनि स्पष्ट पारिन्।

गत मंसीर १ गतेबाट सिँचाईमा खपत हुने विद्युतको शुल्क ५० प्रतिशत घटाएको उल्लेख गर्दै उनले अब त्यसलाई निःशुल्क बनाएर मुलुकको अर्थतन्त्रमा टेवा पुर्‍याउन आफू लागिपरेको बताइन्।

किसानको समस्यालाई लिएर डा. सिके राउत नेतृत्वको जनमत पार्टीले एकमहिना भन्दा बढी सडक तताएपछि सरकारले पनि चासो लिएको थियो ।

डा. राउतको पार्टीले किसानलाई परिचय पत्र, सिँचाईको व्यवस्था निःशुल्क, मलखादको समयमा आपूर्ति लगायतको मागहरु राखी निरन्तर आन्दोलन गर्दै आएको थियो ।

किसान आन्दोलनको क्रममा जनमत पार्टीको गतिविधिले सिँगो देशको ध्यान तानिएपछि सरोकारबाहरु पनि चासो लिएको थियो ।

आन्दोलनको क्रममा जनमत पार्टीले किसानको वास्तविक समस्यालाई विभिन्न तवरबाट सरकारसमक्ष पुरयाएको थियो ।