नेपाली काँग्रेस धनुषाबाट दिनेश प्रसैला आउट, अब दोस्रो चरणको चुनावमा यादव र पजीयार भिडदै

न्यूज ब्यूरो, जनकपुरधाम । नेपाली काँग्रेसको १४ औँ महाधिवेशन अन्तर्गत धनुषामा भएको मतदान प्रक्रियाबाट सभापतिको लागि एउटै उम्मेदवारले चाहिने जति मत ल्याउन सकेनन् ।

नेपाली काँग्रेस धनुषामा सभापतिको लागि लडेका योगेन्द्र पजीयार, दिनेश प्रसैला यादव र सँतोष यादवमध्ये कोही पनि ५१ प्रतिशत मत ल्याउन नपाउँदा चुनाव दोस्रो चरणमा गएको हो ।

मंगलबार अबेर राति भएको मतगणनामा सभापति पदमा तनि जनामध्ये कुनै पनि उम्मेदवारले ५१ प्रतिशत मत ल्याउन नसकेपछि निर्वाचन दोस्रो चरणमा गएको हो ।

पहिलो चरणको मतपरिणाम अनुसार सभापति पदका उम्मेदवार योगेन्द्र पजियारले १ हजार २ सय ४८ मत ल्याउँदै शीर्ष स्थानमा रहेका छन् ।

यस्तै सभापतिका अर्का प्रतिद्वन्द्वी सन्तोष कुमार यादवले ८ सय ८३ मत ल्याएका छन् । यस्तै, दिनेश प्रसैलाले ६ सय ३० मत प्राप्त गरेका छन् ।

पहिलो चरणमा पजियार यादवभन्दा ३ सय ६५ मतले अगाडी छन् । यता, निर्वाचनमा १ सय ५१ वटा मत बदर भएको छ । निर्वाचनमा कुल ३ हजार १७३ मतदाता रहेकोमा २ हजार ९ सय १२ जनाले मतदान गरेका थिए ।

निर्वाचन अन्तर्गत अब दोस्रो चरणमा सभापति पदका मतपरिणम अनुसार पहिलो नम्बरमा रहेको योगेन्द्र पजियार र दोस्रो नम्बरमा रहेको संतोष कुमार यादवबीच कडा प्रतिस्पर्धा हुने अवस्था देखिएको हो ।

धनुषाको ४ वटै निर्वाचन क्षेत्र नम्बरको मत गणना हुँदा आ–आफ्नो क्षेत्रमा बलियो देखिएको उम्मेदवारहरुले गुटको कारण अगाडी र पछाडी भएको देखिएको छ ।

सँस्थापन पक्षबाट सँतोष यादव, शेखर कोईराला गुटबाट दिनेश प्रसाद प्रसैला र बिमलेन्द्र नीधि गुटबाट योगेन्द्र पजीयारले सभापतिको लागि मैदानमा उत्रेका छन् । तर, नेपाली काँग्रेसको विधान बमोजिम ५१ प्रतिशत मत कसैले ल्याउन नसकेपछि चुनाव दोस्रो चरणमा गएको हो ।

यता, मतपरिणाम अनुसार तेस्रो नम्बरमा रहेको दिनेश प्रसैला पहिलो चरणबाट आउट भएका छन् । अब प्रसैला खेमाको मत दोस्रो चरणमा कसले तान्न सक्ने भन्ने अड्कलबाजी समेत सुरु भएको छ ।

नेपाली काँग्रेस धनुषाको सभापतिको लागि चुनावबाट स्वतः आउट भएका दिने प्रसैला पक्षको मत नै निर्णायक हुने भएको छ । दिनेश प्रसैलाले सँतोष वा योगी कसलाई समर्थन गर्ने भनेर अहिले छलफल चलिरहेको छ ।

दोस्रो चरणको चुनाव विहिबार फागुन २६ गते विहान ८ बजेदेखि हुने निर्वाचन समितिले जनाएको छ ।