आफ्नै श्रीमतिलाई तीन जना बोलाएर सामुहिक बलात्कार गर्न लगाउने मियाँ पक्राउ

न्यूज ब्यूरो, जनकपुरधाम । मधेश प्रदेशको पर्सा जिल्लास्थित आफ्नै श्रीमानले बाहिरबाट मान्छे बोलाएर श्रीमतिलाई बलात्कार गर्न लगाएको आरोपमा पक्राउ परेका छन् ।

गत फागुन ९ गतेको दिन अन्दाजी बेलुकी ७ बजेको समयमा पर्सा जिल्लाको धोबीनी गाउँपालिका वडा नम्बर ५ बस्ने महादेव भन्ने शेराजुल मियाँलाई पक्राउ गरिएको छ ।

उनीसहित उनकी कान्छी श्रीमतिलाई समेत पक्राउ गरी पक्राउ गरिएको छ । प्रहरीको अनुसार, आफ्नै जेठी श्रीमतिलाई बाहिरबाट तीन जना मान्छे बोलाएर आफ्नै घरको कोठामा बन्धक बनाएर कुटपिट गरी गुप्ताँगमा लाठी पसाई घाईते बनाएको थियो ।

आफ्नै श्रीमतिको गुप्ताङ्गमा लठ्ठी पसाई गम्भीर घाइते बनाएको घटनामा वारदातपश्चात फरार रहेका मध्ये मियाँ र उनकी कान्छी श्रीमति जोहरा खातुनलाई पर्सा प्रहरीले पक्राउ गरेको छ ।

उनीहरुलाई पर्सा धोबिनी गाउँपालिका वडा नम्बर ५ बाट नियन्त्रणमा लिई ईलाका प्रहरी कार्यालय पोखरियामा ल्याई शरीर बन्धक, ज्यान मार्ने उद्योग तथा सामूहिक जबरजस्ती करणी मुद्दामा अनुसन्धान अगाडि बढाइएको हो ।

अन्य फरार आरोपितहरुको खोजतलास तीव्र पारिको जिल्ला प्रहरी कार्यालय पर्साले जनाएको छ ।