विभिन्न पार्टी छाडेर माओवादीमा डेढ सय जना प्रवेश

न्यूज ब्यूरो, जनकपुरधाम । धनुषाको कमला नगरपालिकास्थित विभिन्न पार्टी परित्याग गरि करिब डेढ सय जना माओवादी केन्द्रमा प्रवेश गरेको छ ।

शुक्रबार कमला नगरपालिकाको वडा नम्बर ३ मानपट्टिस्थित माओवादी केन्द्रले राखेको कार्यकर्ता भेला तथा पार्टी प्रवेश कार्यक्रममा काँग्रेस, एमाले र जसपा परित्याग गरी करिब डेढ सय जना माओवादी केन्द्रमा प्रवेश गरेको हो ।

कमला नगरपालिका वडा नम्बर ३ का वडाकमिटि अध्यक्ष रामभगत यादवको अध्यक्षता तथा माओवादी केन्द्रबाट मेयरका प्रत्यासी देवचन्द्र यादव (देवु) को प्रमुख आतिथ्यमा सम्पन्न पार्टी प्रवेश कार्यक्रममा विभिन्न पार्टीका कार्यकर्ताहरुले माओवादी केन्द्र रोजेका छन् ।

माओवादी केन्द्रका जिल्ला समन्वय समिति सदस्य सकला भन्ने सत्यनारायण यादवको विशेष पहलमा राखिएको पार्टी प्रवेश कार्यक्रममा मोटो सँख्यामा पार्टी प्रवेश गराएको हो ।

सो कार्यक्रममा विशिष्ट अतिथिको रुपमा सकला यादव सहित बलराम विराजी, माधव यादव, सुरेन्द्र यादव लगायतको उपस्थिति रहेको थियो ।