सोमनी देवी घर बनाऊ अभियानः घरमै पुगेर खाद्यान्न समाग्री प्रदान

न्यूज ब्यूरो, जनकपुरधाम । पूर्वी धनुषाको कमला नगरपालिकास्थित अति विपन्न एकल महिलालाई खाद्यान्न समाग्री प्रदान गरिएको छ ।

कमला नगरपालिका वडा नम्बर ६ सखुवा मडानस्थित बस्ने सोमनी देवी महरालाई खाद्यान्न समाग्री प्रदान गरिएको छ । एकल महिला भएकोले अति विपन्नताबाट जुधिरहेकी सोमनीको घर बनाउनको लागि स्थानीय जागरुक युवाहरुले अभियान थालेको छ ।

सोही क्रममा दैनिक गुजारा सहज बनाउनको लागि जनता समाजवादी पार्टीका ईसराफिल अन्सारीको पहलमा सोमनी देवीलाई चामल, दाल, तेल, तरकारी, नुन लगायतका खाद्यान्न समाग्री सहयोग गरिएको हो ।

स्थानीय युवाहरुले चँदा लगाएर सोमनी देवीको लागि ५० किलो चामल, ५ किलो दाल, ५ किलो चना, ५ किलो आलु, ५ किलो प्याज, ५ वटा नुहाउने साबुन, ५ वटा लुगा धुने साबुन, २ किलो सोयाबिन, २ लिटर खाने तेल लगायत मशालाहरु सहयोग गरिएको छ ।

श्रीमान बितिसकेको र रहेको एक छोराको समेत अतोपतो नरहेको अवस्थामा उनी एक्लै अरुमा काम गरी गुजारा गरिरहेकी छिन् । स्थानीय युवाहरुले उनको घर बनाउने निधो गरेका छन् ।

अन्सारीले सोमनी देवी महराको घर बनाउने अभियानमा युवाहरुलाई सहयोग गर्न अपिल समेत गरेका छन् ।