जनकपुरः पोलमा किचिएर बच्चाको ज्यान गएपछि विद्युत प्राधिकरणले दियो ५ लाख राहत

न्यूज ब्यूरो, जनकपुरधाम । बिजुलीको पोलमा किचिएर एक बच्चाको ज्यान गएको दुई बर्षपछि पीडित परिवारलाई ५ लाख रुपैयाँ राहत हस्तान्तरण गरिएको छ ।

नेपाल बिधुत प्राधिकरण वितरण तथा ग्राहक सेवा निर्देशनालय मधेश प्रदेश प्रादेशिक कार्यलय धनुषाधाम वितरण केन्द्र कार्यलयका प्रमुख उपेन्द्र नारायण यादवको विशेष पहलमा पीडित परिवारलाई ५ लाखको चेक प्रदान गरिएको हो ।

धनुषाधाम नगरपालिका वडा नम्बर ३ तेजनगर सडक खण्डमा नेपाल बिधुत प्राधिकरणको भण्डारण राखिएको स्थानमा ११ मिटरको पिएससी पोलमा गत वि.सं. २०७६ पाल्गुन १८ गतेको दिन तेजनगर बस्ने बिनोद गडेरीको वर्ष ९ का छोरा आशिक गडेरीको किचिएर मृत्यू भएको थियो ।

धनुष आवसीय विधालयमा नर्सरी बी मा अध्यनरत विधार्थी स्कुल पढेर घर फर्किने क्रममा राखिएको भण्डारणमा साथीहरु संग खेल्न जादा पोलमा च्यापिएर मृत्यु भएको थियो ।

सोही क्रममा बच्चाको परिवारजनलाई क्षतिपूर्ति प्राधिकरणको नियम बमोजिम कागजात प्रक्रिया अघि बढाएर उपलब्ध गराएको कार्यलय प्रमुख यादवले बताएका छन ।

क्रिया खर्च तथा परिवारिक सहयोग बापत नेपाल सरकारको नियम बमजोमिम एन एसिया बैंकको ५ लाखको चेक बच्चाको बुवा बिनोद गडेरी र आमा रिता देविको हातमा कार्यलयमा बोलाई चेक हस्तान्तरण गरिएको छ ।

५ लाख रुपैयाँको चेक राहत पाउँदा परिवारजनले भने ,–“हामी यो रकम बिधुत प्राधिकरण बाट पाउने भनेर आशा मारिसकेका थिए तर आज यो रकम पाउँदा प्राधिकरण परिवार प्रती धन्यवाद दिन चाहन्छु । मेरो बच्चाको क्षतिपूर्ति त कसैले दिन सक्दैन, तर सहयोगको लागि आभार प्रकट गर्न चाहन्छु । हामीलाई घरपरिवारमा सानै भएपनि राहत पाएको महसुस भएको छ ।