धनुषा प्रहरीले डेढ महिनामा रोके ९ वटा वालविवाह

न्यूज ब्यूरो, जनकपुरधाम । धनुषा जिल्लाको विभिन्न स्थानमा बाल विवाह हुन लागेको खवरपछि धनुषा प्रहरीले करिब डेढ महिनाको अन्तरालमा ९ वटा बालविवाह रोकेको प्रतिवेदन सार्वजनिक गरिएको छ ।

गत माघ महिना देखि हाल सम्म यस जिल्ला प्रहरी कार्यालय धनुषाको महिला तथा बालबालिका शाखाद्वारा प्राप्त गोप्य सुचनाको आधारमा धनुषा जिल्ला भरि डेढ महिनाको अवधीमा ९ वटा बालविवाह रोक्न सफल भएको हो ।

सो क्रममा धनुषा जिल्लाको शहिदनगर नगरपालिका वडा नम्बर ३ यदुकूहास्थित गत माघ १२ गते गोप्य सूचनाको आधारमा बालविवाह रोकेको जनाइएको छ ।

गोप्य सुचनाको आधारमा प्राप्त हुन साथ तत्काल प्रहरी टोलि खटि गई वास्तविक्ता बुझ्दा बाल विवाह हुन लागेको अवस्थामा बाल बालिकाको अभिभावक न्यायिक समिती,नागरिक समाज,महिला समुह लगायतका ब्यक्तिहरु सँग समन्वय गरि बाल विवाह हुनबाट धनुषा प्रहरीले रोकेको हो ।

यस्तै, धनुषाधाम वडा नम्बर ९ स्थित समेत गत माघ १९ गते बालविवाह हुँदैछ भन्ने जानकारी जिल्ला प्रहरी कार्यालय धनुषामा पाएलगत्तै गोप्य सुचनाको आधारमा तत्काल प्रहरी टोलि खटि गई वास्तविक्ता बुझ्दा बाल विवाह हुन लागेको अवस्थामा बाल बालिकाको अभिभावक न्यायिक समिती,नागरिक समाज,महिला समुह लगायतका ब्यक्तिहरु सँग समन्वय गरि बाल विवाह हुनबाट रोकिएको हो ।

सोही क्रममा लक्ष्मीनिया गाउँपालिका वडा नम्बर ७ स्थित गत माघ १४ गते, सबैला नगरपालिका वडा नम्बर ४ स्थित गत फागुन ६ गते, विदेह नगरपालिका वडा नम्बर १ स्थित समेत फागुन ६ गते,
विदेह नगरपालिका वडा नम्बर ६ स्थित गत फागुन १३ गते बालविवाह रोकिएको हो ।

गत फागुन १३ गते जनकपुरधाम उपमहानगरपालिका वडा नम्बर १४ स्थित समेत एक बालविवाह रोकिएको जिल्ला प्रहरी कार्यालय धनुषाले जनाएको छ ।

यस्तै, धनुषाको क्षीरेश्वरनाथ नगरपालिका वडा नम्बर १० स्थित आईतबार (फागुन १५) बालविवाह भइरहेको गोप्य सूचनाको आधारमा जिल्ला प्रहरी कार्यालय धनुषाबाट खटि गएको टोलीले तत्कालै बालविवाह रोक्न सफल भएको बताइएको छ ।

धनुषा जिल्लामा अज्ञानता र दाईजो प्रथाको कारण दिनानुदिन बालविवाहको घटनाहरुमा वृद्धि हुँदै गएको छ ।