जनप्रतिनीधिले बाटो नबनाइदिएपछि जनमतका नेताले आफैँ बनाए सडक

न्यूज ब्यूरो, जनकपुरधाम । मधेश प्रदेशको धनुषा जिल्लास्थित जनमत पार्टीका एक युवा नेताले आफ्नै खर्चमा आफ्नो गाउँको बाटो बनाएका छन् ।

धनुषा जिल्लाको शहिदनगर नगरपालिकाको वडा नम्बर १ र २ को बीचमा रहेको एक जीर्ण सडकलाई जनमतका युवा नेता बीरेन्द्र यादवले आफ्नो व्यक्तिगत खर्चमा बाटो बनाएर उदाहरण पेश गरेका छन् ।

त्यहाँस्थित राष्ट्रिय प्राथमिक विद्यालय सुन्दरपुर चिरैयाको अगाडिमा एक वर्षदेखि सडकमा आवतजावत गर्नमा विद्यार्थीहरुलाई निकै कठिनाइ भोगिरहेको अवस्थामा उनले आफैँ बाटो बनाएका छन् ।

सो बाटो मर्मत गर्नको लागि पटक पटक वडा नम्बर १ वडाध्यक्ष तेजिलाल यादव र वडा नम्बर २ का अध्यक्ष जैसी भिन्भारलाई आग्रह गरेपनी जनप्रतिनीधिले चासो नदेखाएपछि आफैँ बाटो बनाइदिएका हुन् ।

विद्यार्थी जनमत धनुषाका कोषाध्यक्ष समेत रहेका युवा नेता यादवले विद्यालयमा अनुगमन गर्न गएपछि सो विद्यालय अध्यनरत विद्यार्थीहरुले समस्या उठाएपछि बाटो मर्मत गराउनको लागि काम सुरु गरेको हो ।

उक्त बाटो मर्मतमा लाग्ने खर्च विद्यार्थी नेता यादवले तिर्ने भएका छन् । सो बाटो मर्मतको लागि अन्य व्यक्तिहले समेत सहयोग गर्ने भएको छ ।