जनकपुरमा बैँकको अगाडीबाट मोसा चोरी गरेका दुई जना पक्राउ

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थितबाट मोसा (मोटरसाईकल) चोरी गरी भागेका दुई जनालाई पक्राउ गरिएको छ ।

जिल्ला प्रहरी कार्यालय धनुषाले मोटरसाईकल चोरी भएको घटनाको रिपोर्ट अनुसार खोजतलास गर्दै जाँदा महोत्तरीको बलबा नगरपालिका वडा नम्बर ५ स्थितबाट दुई जनालाई पक्राउ गरेको हो ।

गत माघ २४ गते प्रदेश २–०२–००२ प. २७३५ नम्बरको २२० सि.सि.को पल्सर मोटरसाईकल चोरी आरोपमा धनुषाको मुखियापट्टि मुसरनीयाँ गाउँपालिका वडा नम्बर ३ बस्ने बष २० को रामजी कुमार यादव र सोही स्थान बस्ने बर्ष २९ को आदम हुसेनलाई मोटरसाईकल सहित पक्राउ गरिएको हो ।

जनकपुर उप–महानगरपालिक वडा नम्बर २ भानुचचोक स्थित सिटिजन बैंक अगाडी पार्किङ गरि राखि राखेको अवस्थामा चोरी भएको सुचना पाएपछि प्रहरीले खोजतलास सुरु गरेको थियो ।

उक्त मोटरसाईकल अनुसन्धान तथा खोज तलाशको क्रममा मिति सोमबार पक्राउ गरिएको हो । मोटरसाईकल सहित दुवै जनालाई समेत जिल्ला प्रहरी कार्यालय धनुषामा ल्याएर अनुसन्धान थालेको हो ।