जनकपुरः मोसा दुर्घटना हुँदा एक युवकको मृत्यू, एक गम्भिर

न्यूज ब्यूरो, जनकपुरधाम । मधेश प्रदेशको राजधानीस्थित मोटरसाईकल दुर्घटना हुँदा एक जनाको मृत्यू भएको छ भने अर्का गम्भिर घाईते भएका छन् ।

मधेश प्रदेशको स्थायी राजधानी जनकपुरधाम क्षेत्रभित्र पर्ने धनुषाको धनुषाधाम नगरपालिका वडा नम्बर ६ मालटोलस्थित मोटरसाईकल दुर्घटना हुँदा एक जनाको ज्यान गएको छ भने एक जना गम्भिर घाईते भएको हो ।

जिल्ला प्रहरी कार्यालय धनुषाका अनुसार, दुई मोटरसाईकल एकआपसमा ठोक्किदा सोही स्थान बस्ने ४२ बर्षिय रामबहादुर गोले मगरको मृत्यू भएको हो । उनको उपचारको क्रममा मृत्यू भएको हो ।

शनिवार साँझ पूर्वपश्चिम लोकमार्ग अन्तर्गत धनुषाको धनुषाधाम नगरपालिका वडा नम्बर ६ मालटोलस्थित पश्चिमबाट पूर्वतर्फ जाँदै गरेको बा. ७४ प ७५३९ नम्बरको मोटरसाइकल र विपरित दिशाबाट आउँदै गरेको ज. १२ प १६७२ नम्बरको मोटरसाइकल एकआपसमा ठोक्किदा दुर्घटना भएको प्रहरीले जनाएको छ ।

दुर्घटनामा परेर गम्भिर घाइते भएका ज. १२ प १६७२ नम्बरको मोटरसाइकल चालक मगरको धनुषाको लालगढस्थित मोडेल हस्पिटलमा उपचारको क्रममा मृत्यु भएको जिल्ला प्रहरी कार्यालय धनुषाका प्रहरी प्रवक्ता जीतेन्द्र कुमार बस्नेतले जानकारी दिए ।

दुर्घटनामा अर्का गम्भिर घाइते बा. ७४ प ७५३९ नम्बरको मोटरसाइकल चालक सिरहाको कर्जन्हा नगरपालिका वडा नम्बर ५ बस्ने २४ बर्षीय अभिषेक घिमिरेको मोडेल हस्पिटलमै उपचार भइरहेको प्रहरी निरीक्षक सुवेदीले जनाए ।

दुर्घटनामा परेका दुवै मोटरसाइकल प्रहरी नियन्त्रणमा रहेको ईलाका प्रहरी कार्यालय ढल्केवरले जनाएको छ ।