मधेश विनासको लागि कमला नदीमा चिनियाँ कम्पनीको डोजर, ७ वटा ट्रिपर पक्राउ

न्यूज ब्यूरो, जनकपुरधाम । पूर्व पश्चिम राजमार्गको स्तरोन्तीको लागि ठेक्का पाएका चिनियाँ कम्पनीले मधेशको लाईफलाइन भनिने कमला नदीमा अवैद्य उत्खनन गर्न थालेपछि ७ वटा ट्रिपर पक्राउ परेको छ ।

जिल्ला प्रहरी कार्यालय धनुषाले सूचना पाएपछि विना अनुमति कमला नदीमा अवैद्य तरिकाले उत्खनन गरिरहेको बेला ७ वटा ट्रिपर नियन्त्रणमा लिएको बताईएको छ ।

सिरहाको बन्दीपर (कमला नदी भन्दा पूर्व) देखि सप्तरीको राजविराजसम्म निर्माण हुन लागेको ६ लेनको पूर्व पश्चिम राजमार्ग निर्माणको लागि कमला नदीमै बसेरा राखेर चिनियाँ कम्पनीले मधेश विनाको बीजारोपण गरेको छ ।

चिनियाँ कम्पनीको अवैद्य उत्खनन र कमला नदी दोहनप्रतिको धारणा बुझेपछि स्थानीयहरुले निरन्तर विरोध गरेपनि कर्जन्हा नगरपालिकाका मेयर गँगा पासवान र वडा नम्बर २ का वडाध्यक्ष गणेश अधिकारीले ठेकेदारसँग मोटो रकम लिएर कमला उत्खनन गराउन लागेको बुझिएको छ ।

कमला नदी बचाउको लागि कमला बचाउ अभियानले निरन्तर विभिन्न प्रकारको कार्यक्रम राखी कमलाको अस्तित्व जोगाउन लागि परेको बेला चिनियाँ कम्पनीले सुनुयोजित तवरले कमला नदीको उत्खनन गरी मधेश बर्बाद पार्ने मनसाय बनाएको बुझिाएको छ ।

कमला नदीको विनासले तराई मधेशको सिँचाईको मूल मानिने कमला नदीमा प्रत्येक बर्ष आउने बाढी पहिरोले गाउँको गाउँ उजाड गर्ने अवस्था सृजना भएपनि चिनियाँ कम्पनी चाईना रेल्वे नम्बर टु इन्जिनीयरिँग ग्रुपले अवैद्य उत्खनन नरोकेपछि धनुषा प्रहरीे ७ वटा ट्पिर पक्राउ गरी जिल्ला समन्वय समिति धनुषामा बुझाएको छ ।

ट्रिपरको साथै एक स्काभेटर समेत नियन्त्रणमा लिएर जिससमा बुुझाएको हो । कर्जन्हा नगरपालिका वडा नम्बर २ बन्दीपुरस्थित रहेको कमला नदीमा डेरा जमाएर ठेकेदारले अवैद्य उत्खनन गर्न सुरु गरेको हो । राजविराजसम्म निर्माण हुने पूर्व पश्चिम राजमार्ग निर्माणको लागि अन्य ठाउँ बीचमा भएपनि सबभन्दा छेउमा कमला नदी रोज्नु पनि षडयन्त्र रहेको कमला बचाउ अभियानका सँयोजक विक्रम यादवले बताए ।

धनुषा जिल्लाको गणेशमान चारनाथ नगरपालिका वडा नम्बर ५ पर्ने कमला नदीबाट अवैद्य रुपमा उत्खनन गर्न थालेपछि कमला बचाउ अभियानका सँयोजक विक्रम यादवले चासो लिएपछि प्रहरी समेत एक्सनमा आएको हो ।

कमला नदीमा अवैद्य उत्खनन जारी नै राखे कमला नदीको आसपासको छेउमा प्रलय आउने सम्भावना बढी हुन्छ । यद्यपी, स्थानीयहरुले चिनियाँ कम्पनीको गतिविधिमाथि निगरानी राखी निरन्तर विरोध जनाउँदै आएको छ ।