प्रहरीलाई 'डिजेबाला' को ठाडो चुनौती, डिजेको अगाडी प्रहरी नीरिह

न्यूज ब्यूरो, जनकपुरधाम । पूर्वी धनुषाको खजुरीस्थित रहेको ईलाका प्रहरी कार्यालय खजुरी डिजेबाजाको अगाडी नतमस्तक भएका छन् ।

पूर्वी धनुषामा ईलाका प्रहरी कार्यालय खजुरीको ईलाकाभित्र चर्को स्वरमा डिजे बजाउन नपाउने, ९ बजेदेखि हर्न बजाउन नपाउने, भोजपुरी वा मैथिली अश्लिल प्रकारको गीत बजाउन नपाउने सम्झौता गरेपनि प्रहरीलाई डिजेबालाहरुले चुनौति दिएका छन् ।

ईलाका प्रहरी कार्यालय खजुरी मातहत पर्ने प्रहरी चौकी माचि झिटकैयामा कमला नगरपालिका वडा नम्बर १, वडा नम्बर २ र वडा नम्बर ३ का डिजेबालाहरुसँग सम्झौता भएपनि डिजेबालाहरुले प्रहरीलाई ठाडो चुनौती दिएको छ ।

गत बर्ष मात्र धनुषाको कमला नगरपालिका वडा नम्बर २ स्थित डिजे बाजाकै कारण हर्ट अट्याक भएर एक महिलाको मृत्यू भएको केही दिन मात्र भएको छ । डिजेबालाहरुले प्रहरीलाई ठाडो चुनौति दिएको देखिएको छ ।

डिजेबालाहरुले प्रहरीसँग गरेको सम्झौता कार्यान्वयन गर्नको लागि कुनै पहल नहुँदा पनि प्रहरीलाई ठाडो चुनौति दिएको छ । जिल्ला प्रशासन कार्यालय धनुषाले डिजेमा प्रतिबन्ध लगाएको करिब तीन बर्ष वितिसिक्दा पनि कार्यान्वयन हुन सकेको छैनन् ।

जिल्ला प्रहरी कार्यालय धनुषाले समेत जिल्ला प्रशासन कार्यालयको आदेशलाई कार्यन्वयन गराउन असक्षम देखिएको छ । जनकपुरमा डिजे प्रतिबन्ध भएपनि ग्रामिण क्षेत्रमा भने डिजेबालाहरुले प्रहरीलाई अझै ठाडो चुनौति दिएको हो ।

डिजेको चर्को स्वरको कारण नवजात शिशुको स्वास्थ्य अवस्थामा गम्भिर समस्या, गर्भवति महिलाको स्वास्थ्यमा गम्भिर समस्या निम्त्याउने गरेको छ । हृदयको विरामीको लागि जहर जस्तै मानिने डिजे छाडा रुपमा बजाउन थालिएपछि ग्रामिणहरु आतँकित बनेको महसुस गरिएको छ ।

डिजेको समयसीमा तोकिँदा स्थानीयहरु खुसी भएपनि उनीहरुको सामुन्ने कसैले बोल्न पनि नचाहँदा यस्तो समस्या उत्पन्न भएको हो । डिजेबालाहरुले आफू भाडामा जाँदा वैवाहिक गीत बजाउने भन्दा पैसा नै नदिने भनेपछि बाध्य भएर अश्लिल गीत बजाउनु परेको गुनासो समेत गरेका छन् ।

शहरबाट गाउँमा फैलिएको नयाँ सँस्कृति जन्मदिन हुँदा पनि चर्को स्वरमा डिजे घुमाएर जन्मदिन मनाउने गरिएको छ । वैवाहिक कार्यक्रमको लागि विधिको दिन मात्र लाउडस्पीकर बजाउँदै आएकोमा अहिले विधि सुरु भएदेखि कम्तीमा पनि १५ दिनसम्म डिजे बजाउने गरेको छ ।

महिला, किशोरी, युवतिहरुले नै अश्लिल खाले गीतहरु डिमान्ड गर्दा डिजेबाला पनि बाध्य भएर बजाउनुपरेको गुनासो गरिएको छ । प्रहरीलाई देखेपछि लागुऔषध, रक्सीमा मातेर डान्स गर्ने युवकहरुले प्रहरीमाथि नै जाईलाग्दा प्रहरीको लागि ठुलो चुनौति बनेको छ ।

ईलाका प्रहरी कार्यालय खजुरीका प्रहरी नीरिक्षक (ईन्सपेक्टर) रबिन मैनालीले डिजे बन्द गराउन जाँदा पनि जनप्रतिनीधिहरुको दबाब आउने गरेको गुनासो पोखे । उनले डिजे बन्द गर्न भन्न जाँदा वडाध्यक्षदेखि मेयरसम्म पनि बन्द नगराउन फोन गर्ने गरेको बताए ।

“गाउँमा छोरीको बिहे भइरहेको छ, हाम्रो छोरी तपाईको पनि छोरी भन्ने जस्ता शब्दले गाउँलेहरुले समेत डिजे बज्नुपर्ने धारणा राखेपछि प्रहरी निरिह बन्ने गरेको छ ।”– ईन्सपेक्टर मैनालीले भने ।