शहरमा सरस्वति पूजा सम्पन्न, ग्रामिण क्षेत्रमा सरस्वति पूजा आज मनाइदै

न्यूज ब्यूरो, जनकपुरधाम । जनकपुरधाम लगायत तराई मधेशको अन्य विभिन्न शहरमा श्रीपँचमी अर्थात सरस्वति पूजा शनिबार मनाईएको छ ।

तिथि हेरफेरको कारण यसपाली दुई दिनसम्म सरस्वति पूजा मनाइएको हो । जनकपुरधाम क्षेत्रमा शनिबार नै सरस्वति पूजा मनाइएको छ भने ग्रामिक भेगमा आईतबार धुमधामको साथ सरस्वति पूजा मनाइरहेको छ ।

विभिन्न समुदायित तथा सँस्थागत विद्यालयहरुले ग्रामिण भेगमा आईतबार सरस्वति पूजा मनाउने भएको छ । यद्यपी, शहर क्षेत्रमा पनि शनिबार अधिकाँश विद्यालयहरुले सरस्वति पूजा मनाएनन् ।

विद्याकी देवी भनेर मानिने हिन्दु धर्मावलम्बीहरुको आस्थाको पर्व श्रीपँचमीमा विद्यालयहरुमा प्रत्येक वर्ष धुमधाम गरी सरस्वति पूजा मनाइदै आएको छ ।