प्रदेश साँसदको गाडी फोडेर चोरी

न्यूज ब्यूरो, जनकपुरधाम । मधेश प्रदेशका एक साँसदको गाडीमा तोडफोड गरी चोरी भएको छ । प्रदेश साँसद बाबुलाल साहको गाडी फोडेर चोरी भएको हो ।

मधेश प्रदेशको राजधानी जनकपुरधामस्थित पार्क गरी राखिएको गाडीको सिसा फोडेर रकम सहित ज्याकेट समेत चोरी भएको बताइएको छ ।

जनकपुरधाम उपमहानगरपालिका वडा नम्बर ६ नमस्कारचौकस्थित रहेको पुरानो बस पार्कमा रहेको एक होटेलमा बसेको बेला उनको गाडी तोडफोड गरी चोरी भएको हो ।

त्यहाँस्थित होटलमा बसेर नेता साह सहित नेता मनिष सुमनले गाडी होटेलको तल पार्क गरेको थियो । पुरानो बसपार्कस्थित पार्क गरिराखेको गाडीको सिसा फोडेर भित्र राखिएको केही रकम र ज्याकेट चोरी भएको बताईएको छ ।

नेता बाबुलाल साहले चढने बागमति प्रदेश ०१ २५ च २६९० नम्बरको गाडीमा राती करिब १ बजेको समयमा तोडफोड गरी चोरी गरेको हुन सक्ने अनुमान गरिएको छ ।

जानकारी अनुसार, बाबुलाल साहसँगै प्रदेश साँसद मनिष सुमन समेत रहेका थिए । गाडी पार्क गरी होटेलमा बसेको बेला चोरी भएको

गाडीमा रहेको मनिष सुमनको एक ज्याकेटमा १५ हजार रुपैयाँ नगद सहित ज्याकेट समेत लगेको बताइएको छ । विहानै प्रहरी पुगेर मुचुल्का उठाएको हो ।