डा. सिके राउतको दबाब थेग्न जसपालाई मुस्किल, मन्त्रीहरु आए साईजमा

न्यूज ब्यूरो, जनकपुरधाम । जनता समाजवादी पार्टीकी नेतृ एवम् संघीय मन्त्री रेणु कुमारी यादवले रौतहटको गौरमा दिएको अभिव्यक्तिपछि भलिभाँती चौतर्फी घेरिएपछि साईजमा आएकी हुन् ।

मन्त्री यादवले जनमत पार्टीका अध्यक्ष डा. सिके राउत सहित आन्दोलनरत किसानहरुलाई अर्को गौर नरसंहार गरी ज्यान मार्ने धम्की दिएपछि अहिले चौतर्फी रुपमा घेरिएपछि मधेश प्रदेशका कृषि राज्यमन्त्री योगेन्द्र राय यादव बचाउमा उत्रेका छन् ।

शुक्रबार बिहान राजधानी जनकपुरधामस्थित गरेको पत्रकार सम्मेलनको क्रममा सँचारकर्मीहरुको जवाफ दिँदै राज्यमन्त्री यादवले मन्त्री रेणु यादव त्यस्तो कुनै वक्तत्व नदिएको सफेद झुठ दाबी गरे ।

मन्त्री यादवले मँचमा गरेको भाषणको भिडियो विभिन्न मिडियाहरुमा आएपछि पनि राज्यमन्त्री यादवले उनको बचाउ गर्न खोज्दा पत्रकार सम्मेलनमा पनि सँचारकर्मीहरुको प्रश्नको घेराबन्दीमा परे ।

पाठकले मन्त्री यादवको उग्र भाषण, डा. सिके राउतको ह त्या, किसानहरुको ह त्या गरिदिने खुल्ला धम्की दिएपछि राजनीतिक दबाबमा समेत परेकी मन्त्री यादवको बचाउमा राज्यमन्त्री यादवले महिला कार्ड समेत खेलेका हुन् ।

उनले पत्रकार सम्मेलनमा मन्त्री, नेतृ भन्दा पनि मिथिलाकी नारी, मधेशी नारी भनेर सम्बोधन गर्दै उनको बचाउको लागि महिला कार्ड समेत खेलेका हुन् । राज्यमन्त्री यादव आयोजक रहेको सो मँचमा मन्त्री यादवले दिएको हिँसात्मक वक्तत्वप्रति खण्डन गर्दै उनले त्यस्तो केही पनि नभनेको भन्दै बचाउ गरे ।

उनले पत्रकार सम्मेलनमै अब शान्तीपूर्ण ढँगले कुनै कार्यक्रमहरु अगाडी बढाउने बताए । उनले भने, –“हाम्रो पार्टीले अब कुनै पनि विरोधका कार्यक्रमहरु शान्तीपूर्ण तरिकाले मात्र अगाडी बढाउँछ ।”

यसअघि उग्र अभिव्यक्ति दिएकी मन्त्री यादवले समेत आफू त्यस्तो केही नभनेको तथा मिडियाहरुले बढाई चढाई गरी गलत सूचना सम्प्रेषण गरेको बताएकी हुन् ।

उनले मिडियाहरु स्तरहिन भएको र सोही स्तरहिन मिडियाहरुले आफ्नो बारेमा गलत प्रचारवाजी गरेको आरोप समेत लगाइन् । यद्यपी, सोही प्रश्न सँचारकर्मीहरुले पत्रकार सम्मेलनमा गर्दा राज्यमन्त्री यादवले जवाफबाट पन्छीन खोजेका थिए ।

मन्त्री यादवको भाषणपछि गौर ह त्या काण्डमा जाहेरी खेपेका जसपाका अध्यक्ष उपेन्द्र यादवप्रति झन बलियो प्रमाणको रुपमा लिइएको छ । यादवले नै गौर नर संहार गराएको भनेर मन्त्री यादवले प्रष्ट पारिदिएका हुन् ।

तत्कालिन मधेशी जनअधिकार फोरमको अध्यक्ष पनि त्यतिबेला उपेन्द्र यादव रहेका थिए । सो नर संहारमा भएको मुद्दामा उपेन्द्र यादवले आफ्नो कुनै सँलग्नता नरहेको भन्दै पन्छिदै आएका थिए ।