२ नम्बर प्रदेशको स्थायी राजधानी 'जनकपुरधाम' को लागि मतदान सम्पन्न, केही बेरमा परिणाम

न्यूज ब्यूरो, जनकपुरधाम । २ नम्बर प्रदेशको स्थायी राजधानी जनकपुरधामको लागि अहिले मतदान (भोटिँग) प्रक्रिया सम्पन्न भएको छ ।

सोमबार (आज) बसेको प्रदेशसभा बैठकमा प्रतिनिधित्व गरेका दलहरूको तर्फबाट संयुक्त रूपमा प्रस्ताव पेश भएपछि जनकपुरधाममा मतदान प्रक्रिया सुरु भएको थियो ।

प्रदेश सांसद परमेश्वर साह, रविन्द्र बैठा, उपेन्द्र प्रसाद कुशवाहा, शारदा देवी र भरत प्रसाद साहले प्रस्ताव गरेको राजधानी जनकपुरधामको लागि प्रस्ताव पेश गरेका थिए । अहिले भर्खरै करिब ३ बजेर २७ मिनेटमा भोँटिँग सम्पन्न भएको हो ।

जसको उत्तरमा धनुषा जिल्लाको ढल्केवर र पूर्व पश्चिम लोकमार्ग, पूर्वमा कमला नदी, दक्षिणमा नेपालको सिमाना र पश्चिममा मिथिला माध्यमिक परिक्रमा सडक तोक्ने प्रस्ताव परमेश्वर साहले पेश गरेपछि मतदान प्रक्रिया सुरु भएको थियो ।

स्थायी राजधानीका लागि दुई तिहाइ मतको अवाश्यक छ । हाल प्रदेशमा १०४ जना सांसद रहेकोमा स्थायी राजधानीको लागि ७० मतको आवश्यक छ ।

सभामुख सरोज यादवले प्रदेशसभा कक्षकै छेउमा रहेको भवनमा साँसदहरुले जनकपुरधामको लागि मतदान गरेका हुन् ।

भोटिँग सम्पन्न भएपछि प्रदेश सभाका सचिव रँजीत कुमार यादवलाई भोँट गणना गरी मत परिणाम सुनाउन सभामुख सरोज कुमार यादवले आदेश दिएका हुन् । अहिले मतगणना जारी छ ।