समुदायिक भवन बनाउन धनुषाधामका मेयर बालेश्वर मण्डलले दिए ५० लाखको जग्गादान

न्यूज ब्यूरो, जनकपुरधाम । धनुषाको धनुषाधाम नगरपालिका मेयर बालेश्वर मण्डलले करिब ५० लाख बराबरको जग्गादान गरेका छन् ।

धनुषाधाम नगरपालिका वडा नम्बर १ स्थित तराई मधेश समृढि कार्यक्रम अन्तर्गत सामुदायिक भवन बनाउने कार्यक्रम अन्तर्गत भवन बनाउन मेयर मण्डलले आफ्नो जग्गा निःशुल्क दिएका हुन् ।

धनुषाधाम नगरपालिका वडा नम्ब १ स्थित (खोईर) स्थित गाउभरिका वस्तीमा लाभान्वित हुने सामुदायिक भवन बनाउन जग्गा उपलब्ध नभएपछि उनले आफ्नो जग्गा दिएका हुन् ।

२०७४ स्थानीय तहको निर्वाचन पश्चात् गाउँ गाउमा सामुदायिक भवन बनाउन जनप्रतिनिधिहरु जोड दिएको देखिएको छ । परम्परागत समाजिक क्रियाकलाप अन्तर्गत समुदायमा सामुदायिक भवन एउटा ठूलो अंगको रुपमा मानिएको अवस्था रहेको छ ।

त्यसै, अन्तर्गत एउटा नमुना भवन बन्ने धनुषाधाम (खोईर) गाउँमा नेपाली काङ्ग्रेस पार्टीका दिग्गज नेता आनन्द प्रसाद ढुंगानाका जन्म स्थलमा नेता ढुंगानाले एक कार्यक्रम बिच सामुदायिक भवनको शिलान्यास गरे ।

सामुदायिक भवनका लागि मेयर मण्डलले जग्गादान गरिएकोमा उनको कार्य प्रशंसनीय रहेको बताए । सो शिलान्यास कार्यक्रममा केन्द्रिय महाधिवेशन प्रतिनिधि पढमा ढुंगाना समेत सहभागी रहेको थियो ।

नगर उपप्रमुख बिध्यादेवी भुजेल ,वडा नं १ का अध्यक्ष बिश्वनाथ यादव,५ का इन्द्रकुमार महतो ,लगायत काङ्ग्रेसका नेताहरुको व्यापक उपस्थिति रहेको थिए ।