नौसय विघा समाज सहयोग युवा समूहद्वारा २० परिवारलाई सिरक

न्यूज ब्यूरो, धनुषा । धनुषाको नौयसविघा समाज सहयोग युवा समुहले माघे सँक्रान्तीको अवसरमा २० समस्या ग्रसित परिवारलाई राहत वितरण गरेको छ ।

शनिबार माघे सँक्रान्तीको दिन समुहले समस्याबाट ग्रसित भएको २० परिवारलाई न्यानो सिरक वितरण गरेको हो । 'सेवा र सहयोग नै मानव धर्म हो' मुलमन्त्र मान्दै ,सामाजिक उदेश्यहरु प्रती काम गरिदै आइरहेका र देशमा असहाय वा बिरामी जस्ता समस्या ग्रसित परिवारलाई सहयोग गरिएको हो ।

अत्यन्तै पीडित परिवारहरुलाई साथ सहयोग तथा आर्थिक सहयोग गरिदै आईरहेका छन । समाजिक युवा सहयोगी मनहरूलाई अग्रतामा राखेर यो समुह प्रमुख भुमिका निर्वाह गर्दै आएको छ ।

सोही क्रममा धनुषाधाम नगरपालिका वडा नम्बर ५ नौयसविघाका २० परिवारलाई न्यानो माया सहयोग स्वरुप एक/एक थान सिरक सहयोग गरेको समुहका संयोजक विजय कुमार मण्डलले जानकारी दिएको छ ।

कार्यक्रममा समुहका संयोजक विजय कुमार मण्डल,डा. अरुण कुमार मण्डल, प्रहरी चौकीका असई राम बालक यादव, युवा समाजसेवी दिनेश कुमार मण्डल, जय नारायण शर्मा, अरुण कुमार यादव, स्थानीय बुद्धिजीवी तथा स्थानीय युवाहरुको उपस्थितमा सिरक वितरण गरेको हो ।