ट्र्याक्टर दुर्घटना हुँदा एक युवकको मृत्यू

न्यूज ब्यूरो, राजविराज । प्रदेश नम्बर २ को सप्तरी जिल्लास्थित आज ट्रयाक्टर दुर्घटना हुँदा एक युवकको मृत्यू भएको छ ।

सप्तरीको हनुमानगर कङ्कालिनी नगरपालिका–६ स्थित कोसीको पश्चिमी नहरमा पल्टिँदा सोही ठाउँका रामसेवक सदाको छोरा २३ वर्षीय धिरज सदाको मृत्यु भएको सप्तरी प्रहरीले जनाएको छ ।

स१त २७६ नम्बरको ट्र्याक्टर माटो लिन जाने क्रममा अनियन्त्रित भई दुर्घटना हुँदा सदाको मृत्यू भएको प्रहरीले जनाएको छ ।

ट्र्याक्टरका चालक खाना खाइरहेको बेला ट्र्याक्टर गुडाएर सदा माटो लिन गएका थिए । सोही क्रममा ट्र्याक्टर पल्टिएको जिल्ला प्रहरी कार्यालय सप्तरीका सूचना अधिकारी प्रहरी नायब उपरीक्षक माधवप्रसाद काफ्लेले जानकारी दिए ।

ट्र्याक्टर पल्टिएर पानीमा डुबेको शव प्रहरीले आज बाहिर निकालेको छ । मृतकको शव परीक्षणका लागि राजविराजस्थित गजेन्द्रनारायण सिंह अस्पताल ल्याइएको छ । ट्र्याक्टरलाई नियन्त्रणमा लिएर अनुसन्धान भइरहेको छ ।