किसानको जनसागरबीच डा. सिके राउतको गर्जनः 'आन्दोलन बेवास्ता गरे अब राजमार्गमै खाना बन्छ'

न्यूज ब्यूरो, जनकपुरधाम । जनमत पार्टीले शुक्रबार आह्वान गरेको किसान महारैलीमा हजारौँ किसानहरु उत्रीयो । शुक्रबार विभिन्न जिल्लामा हजारौ किसानहरु प्रदर्शन गरेका छन् ।

सोही क्रममा जनमत पार्टीको राष्ट्रिय अध्यक्ष डा. सीके राउतले किसान आन्दोलनलाई बेवास्ता गरे राजमार्गमै खाना बनाउने चेतावनी सरकारलाई दिएको हो ।

शुक्रबार सिरहा जिल्लाको सदरमुकाम सिरहामै किसान महारैलीमा बोल्दै सरकारले किसान आन्दोलन लाई बेवास्ता गरे राजमार्गमै खाना बनाएर आन्दोलनलाई अगाडि बढाउने चेतावनी दिए ।

सदरमुकामको हेमनारायण चौकमा आयोजित कोण सभालाई सम्बोधन गर्दै डा. राउतले यस्तो बताएको हो। बिगत बीस दिन देखि जारी आन्दोलनलाई सरकारले हाल सम्म नसुनेको भन्दै अब राजमार्गमै खाना बन्ने चेतावनी दिए । राउतले सरकार यसरी नसुने बैकल्पिक बाटो रोज्ने बाध्य हुने चेतावनी दिए ।

उनले विभिन्न सरकारी सँस्थामा काम गर्ने कर्मचारी, एनजिओका कर्मचारी, सफाई कर्मचारीले पनि घाँटीमा परिचय पत्र देखाउँदै आफ्नो परिचय दिरहेको अवस्थामा देश पाल्ने किसानको परिचयपत्र हुनुपर्ने माग गरे ।

उनले बोल्ने लगभग हरेक शब्दको पछाडी तालीको गडगडाहट सुनिन्थ्यो । विभिन्न गाउँबाट सिरहामा जम्मा भएको असल किसानहरुको लागि डा. राउतले आवाज उठाउँदा उनीहरुले आफ्नो नेतृत्व भेटाएको महसुस गरेको सुनाए ।

अहिलेसम्म राजनीतिक दललाई नै भोँट दिने उदेश्य राख्ने किसानहरुले अब किसानहरुको लागि पनि लडने नेता अगाडी आएको भन्दै यसपाली डा. राउतलाई आजमाउने प्रतिक्रिया किसानहरुले दिएका थिए ।

पुस १५ गते देखि जनमत पार्टीले किसान हकहितका लागि ११ बुंदे माग सहित अनिश्चितकालीन चक्काजाम सहितको कार्यक्रम घोषणा गरेको थियो । त्यसै क्रममा शुक्रबार सिरहा सदरमुकाममा किसान महारैलीको आयोजना भएको थियो ।

सोही क्रममा प्रदेश नम्बर २ को अस्थायी राजधानी जनकपुरधामस्थित समेत हजारौँको सँख्यामा किसानहरु जनकपुर तताएको थियो । अन्य पार्टीको रयाली, कार्यक्रममा पेट्रोल, डिजल, भत्ता, खाना दिए मात्रै जाने गरेकोमा डा. राउतको कार्यक्रममा भोक,प्यास मारेर असल किसानहरु रयालीमा सहभागी भएको देखियो ।

किसानलाई मलखाद्यको वयवस्था हुनुपर्ने , कृषि बिजली निशुल्क हुनुपर्ने , किसान कार्डको व्यवस्था हुनुपर्ने , गिरफ्तार आन्दोलनकारी लाई रिहा हुनुपर्ने जस्ता माग राख्दै जनमत पार्टी अहिले आन्दोलनरत रहेको छ। आजको किसान महारैली तराई मधेशका हरेक जिल्ला सदरमुकाममा रहेको थियो ।